James Montgomery Flagg

De Uiquipedia
Saltar a: navegación, buscar
James Montgomery Flagg fotografiáu por Arnold Genthe en 1915.

James Montgomery Flagg (18 de xunu de 187727 de mayu de 1960) foi un artista y dibuxante d'Estaos Xuníos d'América. Trabayó en diversos medios artísticos, pero ye más reconocíu como cartelista.

Flagg nació en Pelham Manor, Nueva York. Dende bien neñu sintióse atrayíu pol dibuxu, y entamó a ilustrar revistes nacionales a la edá de doce años. A los catorce, trabayó pal magacín Life, y al añu siguiente ya taba na plantía d'otru magacín, Judge. Ente 1894 y 1898, asistió al Art Students League of New York.

Estudió Belles Artes en Londres y París ente los años 18981900, depués tornó a los Estaos Xuníos, onde fizo incontables ilustraciones pa llibros, portaes de revistes, dibuxos políticos y humorísticos, publicidá, etc. Ente les sos creaciones destacó la tira cómica qu'apaeció regularmente en Judge ente 1903 y 1907 sobre un personaxe vagabundu titulada Nervy Nat.[1]

El so cartel más famosu foi creáu en 1917 p'afalar el reclutamientu al exércitu d'Estaos Xuníos mientres la Primer Guerra Mundial. Representaba al Tíu Sam señalando al espeutador (inspiráu nel cartel de Lord Kitchener pal exércitu británicu en pose asemeyada) cola frase "I Want YOU for U.S. Army".

James Montgomery Flagg morrió en Nueva York y foi enterráu nel Cementeriu Woodlawn.

Referencies[editar | editar la fonte]

  1. Marschall, Rick (May, 1985). "The Comic Obsessions of James Montgomery Flagg". Nemo, the Classic Comics Library, Nu. 11.

Trabayos[editar | editar la fonte]