Tíu Sam

De Uiquipedia
Saltar a: navegación, buscar
Tíu Sam de J. M. Flagg reclutando soldaos pa la Primer Guerra Mundial y Segunda Guerra Mundial.

Tíu Sam (Uncle Sam n'inglés) ye una personificación nacional d'Estaos Xuníos que data de la Guerra de 1812. Según el folclor común, l'orixe del personaxe remóntase a un grupu de soldaos que taba al norte de Nueva York, au recibiere barriques de carne coles iniciales U.S. Los soldaos a mou de chancia tomaron les iniciales como les del proveedor de carne, Uncle Samuel Wilson, de Troy, Nueva York.

Ensin embargu, delles teoríes contradicen esta versión. Una d'elles suxer que'l Tíu Sam foi creación d'inmigrantes irlandeses qu'usaron l'acrónimu gaélicu SAM (Stáit Aontaithe Mheiriceá), que significa Estaos Xuníos d'América, como nomatu pal so nuevu país. Desafortunadamente, l'orixe del términu nunca nun foi probáu.

I want you for the army[editar | editar la fonte]

Na Primer Guerra Mundial creóse'l famosu cartelu del Tíu Sam apuntando al espectador coles palabres "I WANT YOU" ("Quiérote a ti"). L'artista James Montgomery Flagg, quien pintare'l cartelu en 1917, usó una versión modificada del so rostru pa la cara del Tíu Sam. El veteranu Walter Botts posó pal dibuxu que se convertiría nel Tíu Sam. El cartelu taba basáu nún británicu de 1914 onde apaecía Lord Kitchener, diseñáu por Alfred Leete.