Guerra Anglo-Zanzibariana
| Guerra Anglo-Zanzibariana | |||
|---|---|---|---|
| Parte de Guerra Anglo-Zanzibariana | |||
 Palaciu del Sultán depués de la guerra |
|||
| Fecha | 09:00-09:45 hora llocal, del 27 d'agostu de 1896 | ||
| Llugar | Zanzíbar | ||
| Resultáu | Victoria del Reinu Xuníu | ||
| Belixerantes | |||
|
|||
| Fuercies en combate | |||
|
|||
| Baxes | |||
|
|||
La Guerra Anglo-Zanzibariana foi una batalla protagonizada ente'l Reinu Xuníu y Zanzíbar el 27 d'agostu de 1896. Con una duración de 45 minutos, caltién la marca de la guerra más corta rexistrada na historia.
La guerra españó dempués de la muerte del sultán Hamad bin Thuwaini'l 25 d'agostu, que taba dispuestu a cooperar cola alministración colonial británica; el so primu Khalid bin Bargash apoderóse del poder per aciu d'un golpe d'estáu. Como quiera que los británicos favorecíen a otru candidatu, Hamud bin Muhammed, al que los británicos creyíen más averáu, ordenaron a Bargash abdicar. Bargash refugó la orde y formó un exércitu de 2.800 homes y el yate armáu del anterior sultán, el H.H.S. Glasgow, que taba en puertu. Mientres les tropes de Bargash taben fortificando'l palaciu, la Royal Navy xunió cinco naves de guerra en puertu énte'l palaciu (tres cruceros modernos, y dellos Reales Marines.
Pesie a los enfotos d'últimu minutu del sultán por negociar la paz tres del representante estaunidense na islla, les naves de la Royal Navy abrieron fueu escontra'l palaciu na mañana del 27 d'agostu, dempués de qu'espirara l'ultimátum británicu a les 9 de la mañana. Col palaciu esbarrumbándose sobre él y con baxes abondes, el sultán tuvo que facer una retirada precipitada al consuláu alemán au-y foi concedíu asilu. Vivió nel esiliu en Dar es Salaam hasta que foi capturáu polos británicos en 1916 y treslladáu a Mombasa, au morrió en 1925. El bombardéu finó a los 45 minutos, en cuantes que'l Glasgow fundiera.
Ver tamién [editar]
- La Guerra de los Trescientos Trenta y Cinco Años, quiciabes la guerra más llarga del mundu.
Enllaces esternos [editar]
- Artículu del Global Frontiers sobre la guerra (n'inglés)
- Referencia nel Llibru Guinness de los Records (n'inglés)
