Gran Furacán de 1780

De Uiquipedia
Saltar a: navegación, buscar
Arees afeutaes pol Furacán en 1780

El Gran Furacán de 1780 considérase como'l furacán que dexara más víctimes mortales na historia. Alrodiu de 22.000 persones morrieron cuando la tormenta azotó sobre Martinica, Sint Eustatius y Barbados ente'l 10 d'ochobre y el 16 d'ochobre de 1780[1]. Hebo tamién miles de muertes pente les fasteres costeres de la redolada.

La tormenta[editar | editar la fonte]

El furacán atacó'l Mar Caribe en plena Revolución Americana y dexó gran númberu de víctimes pente les flotes navales británices y franceses que lluchaben pol control del área. La flota comandada pol almirante británicu George Rodney, que zarpara de Nueva York a les Indies Occidentales, foi xebrada y dañada demientres la tormenta. Al llegar a Barbados, l'almirante Rodney sólo llogró reunir ocho de les 12 naves coles que viaxaba, seique'l restu yera llaceria total y la mayoría de la so tripulación afogárase.

Un esplorador británicu, que foi unviáu pa calibrar los daños, informó que la tormenta caltuviérase cerca de Barbados pente dos díes. El desanicie foi tan espectacular que l'esplorador creyó erróneamente qu'un terremotu acompañara a la tormenta. La islla foi esborriada cásique completamente. Dolcenes de pesqueros nun retornaron de los sos viaxes. Cuasi toles families que vivíen na islla perdieron a dalgún de los sos miembros na tormenta.