Friedrich Bessel

De Uiquipedia
Saltar a: navegación, buscar
Friedrich Bessel

Friedrich Wilhelm Bessel (22 de xunetu de 1784 - 17 de marzu de 1846) foi un matemáticu alemán, astrónomu y sistematizador dae les funciones de Bessel (les cuales, magar el so nome, foron descubiertes por Daniel Bernoulli).

Ñació en Minde, Wesfalia, y morrió de cáncanu en Königsberg (agora Kaliningráu, Rusia). Bessel foi un contemporániu de Carl Gauss, que tamién yera matemáticu y astrónomu.

Yera fíu d'una criada y a los 14 años pasó a ser aprendiz nuna compañía mercantil d'importaciones y esportaciones de Bremen. Yá de guah.e convirtióse nel so contable y l'enfotu nel so trabayu llevólu a emplegar les sos habilidaes matemátiques a problemes de ñavegación; esto llevólu a fixar el so interés na astronomía como una salida pa determinar la llonxitú.

El so trabayu tan concenciudu llamó l'atencidón d'una de les mayores fegures de l'astronomía alemana, Heinrich Wilhelm Olbers, por precisar nos cálculos de la órbita del Cometa Halley. Gracies al so sofitu foi quien a atopar un trabayu nun observatoriu priváu instaláu cerca Bremen, au entamó a trabayar con total atención.

A suxerencia de Olbers, analizó y clasificó les observaciones y mediciones estelares efeutuaes anteriormente por James Bradley, d'unes 3.000 estrelles; nesta xera demostró un celu y una precisión tal que'l Kaiser Guillermo II de Prusia nomólu direutor del Observatoriu de Königsberg, onde pasó'l restu la so vida magar a les sos constantes quexes sobro'l clima llocal.

Enllaces esterno[editar | editar la fonte]