Eugène Pottier

De Uiquipedia
Saltar a: navegación, buscar
Eugène Pottier
Tumba d'Eugène Pottier nel cementeriu de Père-Lachaise

Eugène Pottier, nació'l 4 d'ochobre de 1816 en París onde morrió'l 6 de payares de 1887, foi un poeta y revolucionariu francés, autor de la lletra de La Internacional.

Biografía[editar | editar la fonte]

Eugène Pottier compuso'l so primer cantar, Vive la Liberté, en 1830. En 1840, asoleyó Il est bien temps que chacun ait sa part. Participó na Revolución de 1848. Baxo'l Segundu Imperiu, creó una casa d'impresión sobre teles y, en 1864, ta ente los fundadores de la cámara sindical de dibuxantes, que s'amesta darréu a l'Primera Internacional.

Foi miembru de la Guardia Nacional, y participó nos combates nel situiu de París de 1870, más sero tomó parte activa na Comuña de París onde foi elexíu miembru pol segundu arrondisement. Ocupó un escañu na comisión de Servicios Públicos. Participó nos combates de la Selmana Sangrieta. En xunu de 1871, escondíu en París, compuso'l so poema La Internacional y tien qu'exiliase n'Inglaterra. Condenáu a muerte por rebeldía el 17 de mayu de 1873, exilióse nos Estaos Xuníos, onde organiza la solidaridá colos communards deportaos. Ye nesi momentu cuando s'axunta a la masonería[1], y depués al Partíu Obreru Socialista d'América. Arruináu y medio paralizáu, torna a Francia depués de l'amnistía de 1880. Continúa asoleyando los sos poemes por más que siga viviendo na miseria.

Pottier algamó sonadía un añu depués de la so muerte, en 1888, depués de que-y pusiera música al so poema L'Internationale (La Internacional) el músicu Pierre Degeyter. El testu foi escritu en xunu de 1871, en París, en plena represión de la Commune.

Enllaces esternos[editar | editar la fonte]

Referencies[editar | editar la fonte]

  1. Eugène Pottier, Chants Révolutionnaires, Bureau du Comité Pottier, v. 1895 Testu en llinia