Pierre Degeyter

De Uiquipedia
Saltar a: navegación, buscar

Pierre Degeyter (o Pierre De Geyter n'holandés), nació'l 8 d'ochobre de 1848 en Gante y morrió'l 26 de setiembre de 1932 en Saint-Denis, foi un obreru y músicu belxicanu qu'algamó sonadía por tener compuesta la música de La Internacional.

So padre, Adrien, y so madre, Rosa, tamién yeren obreros y emigraron a Lille (Francia) buscando trabayu na industria testil. Electricista na industria ferroviaria, Pierre Degeyter interésase pola música y a los dieciséis años entama los cursos nocturnos na academia de música, na qu'algama'l primer premiu a los 38 años. En xunetu de 1888, al mesmu tiempu que ye'l primer director de la sociadá musical la Lyre des travailleurs, recibe un encargu de Gustave Delory, del Parti Ouvrier Français: pone-y música a un poema d'Eugène Pottier de 1871 pa facer un cantar de llucha del partíu. Compuso esta música na sée de la Lyre, el café La Liberté, rue de la Vignette.

La música ye firmada col nome de la familia de Degeyter, lo que nun impedierá que'l compositor tenga que dexar Lille, ciudá na que los patronos lu clasificaron como revolucionariu peligrosu.

Cuando muerre en Saint-Denis, cerca de París, al entierru acudieron más de 50.000 trabayadores.