Dana International

De Uiquipedia
Saltar a: navegación, buscar

Dana Internacional ye'l nome artísticu de la cantante israelina Sharon Cohen. Ñació en Tel-Aviv el 2 de febreru de 1972. En 1993 viaxó hasta Londres pa realizar la so reasignación sexual, y dende entós camudó'l so nome masculín Yaron pol femenín Sharon. Esi mesmu añu espublizó'l so primer single, tituláu "Saida Sultana".

En 1996 col so segundu discu, “Umpatampa” foi considerada la meyor artista d'Israel. El so tercer discu, “Maganona” (Lloca), foi prohibíu n'Exiptu y Xordania porque a les autoridaes dába-yos llerza qu'una muyer transexual "pervirtiere" a la so mocedá. Sicasí, vendiéronse millones de copies pirates. Esti discu inclúi'l so gran ésitu, “Cinque milla”.

Eurovisión[editar | editar la fonte]

En 1998 y énte una espectación enorme, Dana International representó a Israel n'Eurovisión ol cantar "Diva", coincidiendo amás col 50 aniversariu del Estáu d'Israel. La ultraortodoxia israelina llegó a calificar a Dana como'l demoniu y recibió amenaces de muerte, un discutiniu que provocó que la televisión hebrea nun unviara comentarista al festival. Sicasí, Europa votó masivamente a Dana y numberosos mozos salieron a les cais de Tel-Aviv a celebrar el trunfu. Dana convirtióse na primer artista israelina en ser entrevistada pola MTV, n’actuar en Top of the Pops de la BBC y en vender 400.000 copies del so single en tol mundu. Entós, la so victoria empezó a ser vista como una victoria de los derechos del colectivu LGTB.

Nel Festival d'Eurovisión 2011 tornará otra vez a representar a Israel cola canción n'inglés llamada Ding Dong