Corín Tellado

Corín Tellado apoyando la oficialidá del asturianu en 2008.

María del Socorro Tellado López, conocida como Corín Tellado, (El Porto - El Franco, 25 d'abril de 1927 - Xixón, 11 d'abril de 2009) foi una escritora de noveles romántiques. Ye la escritora española más lleída depués de Miguel de Cervantes y figura nel Llibru Guinness de los Récords - 1994 - (edición española) como l'autora más vendida n'idioma español.

Foi la única muyer ente los cinco fíos del matrimoniu formáu por un ama de casa y un maquinista naval de la Marina Mercante, y de pequeña yera conocida col diminutivu de Socorrín, de donde surdió l'hipocorísticu Corín. En 1939, depués de la Guerra Civil Española, so padre foi ascendíu a primer oficial y la familia instalóse en Cádiz. Socorro estudió nuna escuela de monxes.