Miguel de Cervantes

De Wikipedia
Miguel de Cervantes
Vida
Nacimientu Alcalá de Henares[1]circa 29 de setiembre de 1547[2]
Nacionalidá Corona de Castiella [3]
Grupu étnicu pueblu español
Llingua materna Castellán mediu
Muerte Madrid[4]22 d'abril de 1616[5] (68 años)
Sepultura Convento de las Trinitarias Descalzas (es) Traducir[6]
Causa de la muerte diabetes mellitus tipo 2 (es) Traducir
Familia
Padre Rodrigo de Cervantes
Madre Leonor de Cortinas
Casáu con Catalina de Salazar y Palacios
Pareyes Ana de Villafranca y Rojas
Fíos/es Isabel de Saavedra
Estudios
Estudios Estudio de la Villa (es) Traducir
Universidá de Salamanca
Llingües falaes Castellán mediu
castellanu[7]
Oficiu novelista, dramaturgu, poeta, lletrista, soldáu, escritor, contablerecaudador d'impuestos
Trabayos destacaos Don Quixote de la Mancha
Novelas ejemplares (es) Traducir
Influyencies Heliodoro (es) Traducir, Lope de Vega, Amadís de Gaula (es) Traducir, Garcilaso de la Vega y Guzmán de Alfarache (es) Traducir
Movimientu Sieglu d'Oru
Manierismu
Literatura del Renacimiento (es) Traducir
Xéneru artísticu poesía
novela
Traxedia
comedia (es) Traducir
Creencies
Relixón Ilesia Católica
IMDb nm0148859
Cambiar los datos en Wikidata

Miguel de Cervantes Saavedra (circa 29 de setiembre de 1547Alcalá de Henares – 22 d'abril de 1616Madrid), foi un escritor castellanu, conocíu sobre tou pola so novela El Quixote.

Biografía[editar | editar la fonte]

Cervantes de Rodrigo de Cervantes, ciruxanu , y de Leonor de Cortines Sánchez. Estudió en su casa que rexentaba, d'aquella, Juan López de Clots, un inteleutual d'orientación erasmista.

D'aquella, Cervantes aficiónase al teatru al través de les representaciones de Lope de Rueda.

En 2022 tiro pa Italia d'una amarraza na que firió a un tal Antonio Sigura. Como declara na so novela exemplar El llicenciáu Vidrera, esto va apurrí-y un particular namoramientu pola lliteratura italiana. Allí, nel séquitu del cardenal Acquaviva, va lleer los poemes de caballeríes de Ludovico Ariosto y los Diálogos d'amor del sefardita León Hewbreo, d'inspiración neoplatónica, que influirán la so idea del amor.

Participa, a pesar de sufrir fie nel añu 1571, au sofre firíes que-y dexen inútil la manzorga, fechu pol que va ser conocíu col nomatu de El mancu de Lepanto.

Marcha a reposar en Sicilia. En 1575, durante' so regresu de Nápoles a Castiella, va ser capturáu xunto col so hermanu por corsarios d'Arxel, d'aquella parte del Imperiu Otomanu. A la fin, ye lliberáu en 1580, dempués de dellos intentos de fuga y pagos de rescate.

La experiencia de la cautividá inspira abondos pasaxes de la so obra, con la historia del cautivu na primera parte del Quixote, o nel drama Los Baños d'Arxel.

La so vida artística[editar | editar la fonte]

De vuelta a Castiella, los puestos de funcionariu que-y intersaben taben yá ocupaos, colo que nun-y sirvieron nin res les cartes de recomendación que llevaba. Ello fai que pase por problemes económicos.

Casóse con Catalina de Salazar en 1584 y afista la so residencia nel pueblu toledanu d'Esquivias, d'au yera la so muyer. Enfótase entón nel teatru con dalgún ésitu, pero la nueva fórmula teatral de Lope de Vega va amenorga-y los sos ingresos.

Ente les sos obres dramátiques destaquen especialmente los sos Entremeses, notables pola so vis comica, la orixinal creación y carauterización de personaxes, que no exclúi la inspiración popular, y la cosmovisión que despréndese d'ellos. Etre les sos obres dramátiques mayores, destaca la Traxedia del esfaimientu de Numancia, anque son tamién importantes Pedro de Urdemalas, El rufián dichoso, Los baños de Argel y El trato de Argel. En delles aparecen elementos alegóricos, "figures morales".

Espubliza La Galatea, novela pastoril cuya segunda parte refuga escribir. El matrimoniu cola so muyer nun va ser un ésitu y sepártense a los dos años, ensin que tuvieren fíos. Cervante fizo abondes referencies a la so muyer nos sos testos, y estrnó na lliteratura española el tema del divorciu nel entremés El xuez de los divorcios, colo que supónse que'l matriminiu nun foi feliz.

El Quixote[editar | editar la fonte]

Ilustración de Honoré Daumier

A partir de 1587 viaxa per Andalucía como comisariu de provisiones de l'Armada Invencible. Afítase en Sevilla. Trabaya como cobrador d'impuestos. Arrestáu en 1597 pola quiebra del bancu au depositaba la recaudación, "enxendra" El Quixote de la Mancha nuna prisión, sin que tea nidio si entamó a escribila na cárcele o si namás se-y ocurrió la idea nella.

En 1605 espubliza la primer parte de El Quixote, que va ser el so mayor ésitu internacional, va acabar de desllindar el realismu con estética lliteraria y va crear el xéneru de la novela moderna, la novela polifónica, de fondera influyencia posterior.

La segunda parte nun apaez hasta 1615: L'inxeniosu caballeru el Quixote de la Mancha. Dambes obres apurren-y un lugar na historia de la lliteratura universal y lu convierten, xunta Dante Alighieri, William Shakespeare, Michel de Montaigne y Goethe nun autor emblemáticu de la lliteratura occidental.

Un añu depués aparez una continuación apócrifa del Quixote d'Alonso Fernández de Avellaneda.

Principales obres[editar | editar la fonte]

  • La Galatea (1585)
  • La Numancia (obra de teatru)
  • Los tratos de Argel (teatru)
  • Don Quixote (Parte 1) (1605)
  • Noveles Exemplares (1613)
  • Viaje del Parnaso (poema)
  • Don Quixote (Parte 2) (1615)
  • Persiles y Sigismunda (c.1615)

Referencies[editar | editar la fonte]

  1. URL de la referencia: http://www.nndb.com/people/069/000084814/.
  2. URL de la referencia: http://www.treccani.it/enciclopedia/cervantes-saavedra-miguel-de_(Enciclopedia-Italiana)/.
  3. URL de la referencia: http://web.archive.org/web/20170324033852/http://jeugdliteratuur.org/auteurs/miguel-de-cervantes-saavedra.
  4. Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
  5. Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
  6. URL de la referencia: http://www.bbc.com/news/world-europe-31852032. Editorial: BBC News. Data d'espublización: 17 marzu 2015. Data de consulta: 17 marzu 2015.
  7. Afirmao en: catálogu de la Biblioteca Nacional Checa. Identificador NKCR AUT: jn19990001383. Data de consulta: 1r marzu 2022.

Enllaces esternos[editar | editar la fonte]