Chondrus crispus
Chondrus crispus carragán  | ||
|---|---|---|
 | ||
| Clasificación científica | ||
| Reinu: | Protista | |
| Filu: | Rhodophyta | |
| Clas: | Florideophyceae | |
| Orde: | Gigartinales | |
| Familia: | Gigartinaceae | |
| Xéneru: | Chondrus | |
| Especie: |
C. crispus Stackh. | |
| Consultes | ||
| [editar datos en Wikidata] | ||
El carragán[1] (Chondrus crispus), del irlandés carraigín (AFI:ˈkaɾˠɪɟinʲ), "pequeña roca", o carrageen, irish moss n'inglés, ye un alga colorada (filu Rhodophyta) bien abondosu, que n'ocasiones forma céspedes, siempres sobre superficies predreses. Alcuéntrase en toles costes atlántiques d'Europa y Norteamérica.
Trátase d'una especie con valor económicu. Aprovéchense los polisacáridos complexos del so mucílagu, que formen la mayor parte del so pesu una vegada deshidrataes. En medicina emplégase como emoliente y llaxante, consumida en fervinchu. Empléguense como emulsionantes pola industria alimentaria y tamién na cocina doméstica.
Na producción de cerveza[2], úsase como floculante, pa clarificar la cerveza.
Propiedaes[editar | editar la fonte]
Principios activos: contién abondosos mucílagos (hasta un 80%): carragenanes. Sales minerales.[3]
Indicaciones: Úsase como demulcente (antiinflamatoriu, proteutor de les mucoses); saciante, amenorga l'absorción intestinal de lípidos y glúcidos, llaxante, inmunoestimulante, antitusivu. Emoliente, suduíficu. Indicáu para gripe, resfriaos, farinxitis, larinxitis, bronquitis, enfisema, asma. Gastritis, úlceres gastroduodenales, estriñimientu. Coadyuvante nel tratamientu del sobrepesu, hiperlipidemies y diabetes.
A nivel intestinal pue interfirir na absorción de sales minerales, vitamines y otres melecines, si s'alministren coles mesmes. En pacientes diabéticos, remana la glucemia, énte la posibilidá de que se seya necesario axustar les dosis d'insulina o de antidiabéticos orales.[3]
Les algues córtense a flor del suelu, llávense con agua duce y déxense ensugar al campu poniéndose pálides col sol. Cuando'l mofu ta secu si se pon n'agua y calezse, sume nesta y al esfrecese cuaya nuna xalea.
Decocción: una cuyarada de postre por taza. Ferver 5 minutos, dos o tres taces al día.
Pa combatir la tos: Fiérvese una toma de regalicia mientres media hora en 1 L d'agua, cólase y ponse de nuevu al fueu, añader 5 g de mofu y déxase ferver 5 minutos más.
Pal estriñimientu crónicu: Ponse a remueyu (agua frío) media toma de mofu cortáu en trozos. Poner a ferver 15 g de cirueles en 1 llitru d'agua mientres 15 minutos, quítense-y los güesos y les pieles y la magaya fecha papiella ponse al fueu con 2 ó 3 cuyaraes de miel y el mofu a remueyu hasta consiguir una xalea clara. Tomar una bona taza enantes d'echase o dempués de les comíes si nun ye abondu.[3]
Referencies[editar | editar la fonte]
- ↑ URL de la referencia: http://www.sabencia.net/nomenclator.php.
- ↑ Usu del carragán na ellaboración de cerveza
- ↑ 3,0 3,1 3,2 «Chondrus crispus». Plantes útiles: Linneo. Consultáu'l 5 d'avientu de 2009.
Enllaces esternos[editar | editar la fonte]
Wikimedia Commons acueye conteníu multimedia sobre Chondrus crispus 
.
 |
Wikispecies tien un artículu sobre Chondrus crispus. |
- Museum of London - Caribbean London - Catalogue
- Summers, Adam (July 2006). «Keep Me Hanging On : Surviving in the intertidal zone tests the rubbery limits of algae». Natural History 115 (6): páxs. 26-27. http://naturalhistorymag.com/0706/0706_biomechanics.html.
- Seaweed Site
- AlgaeBase
- Marine Life Information Network
- Innovations
- Rhode Island
- Industria irlandés de mofos de Prince Edward Island[1]
Bibliografía[editar | editar la fonte]
- wikipecies(n'inglés)
- Flora y fauna en asturnatura
- Vanaclocha B, Cañigueral S. Vademecum de prescripción. Barcelona: Elsevier-Masson; 2003 [2] que la so información actualizada alcuéntrase en [http://www.fitoterapia.net
| Control d'autoridaes |
|
|---|
Datos: Q4963539- Multimedia: Chondrus crispus
Especies: Chondrus crispus