Insulina

De Uiquipedia
Saltar a: navegación, buscar
Cristales d'insulina

Etimoloxía: Del llatín insula ('islla').

Hormona polipeptídica de 51 aminoácidos segregada poles célules beta de los isllotes de Langerhans del páncrees, qu'intervién nel metabolismu enerxéticu.

La so escosera provoca la diabetes mellitus y el so escesu un hiperinsulinismu con hipoglucemia.

Historia[editar | editar la fonte]

Foi descubierta per primer vegada nel 1921 por Frederick Grant Banting, Charles Best, John James Richard Macleod y James Collip. Por esti motivu recibieron el Premiu Nobel de Medicina nel 1923. Pero la so estructura completa nun se descubrió fasta'l 1955 gracies a los trabayos de Frederick Sanger.

Estructura[editar | editar la fonte]

La insulina ta formada por dos cadenes: la cadena A (de 21 aminoácidos) y la cadena B (de 30 aminoácidos), xuníes covalentemente por dos enllaces disulfuru. La cadena A tien otru enllaz disulfuru que xune dos de los sos aminoácidos.

Tien un pesu molecular de 5,8 kDa.

Síntesis[editar | editar la fonte]

1. Preproinsulina (secuencia señal L, cadena B, péptidu C, cadena A)
2. Plegamientu espontaneu
3. Cadenes A y B xuníes por enllaces disulfuru
4. Perda de secuencia señal L (proinsulina) y del péptidu C
5. Insulina

El precursor d'esta molécula ye la proinsulina, una cadena polipeptídica que tien na so secuencia les dos cadenes A y B, xuníes ente sigo por una secuencia de 33 aminoácidos que se conoz col nome de péptidu C. Sicasí, la cadena polipeptídica ñaciente orixinal (preproinsulina) tien a lo cabero'l so estremu amino-terminal un 19 aminoácidos más que constitúin la secuencia señal pa empobinar la cadena haza'l retículu endoplásmicu. Una vegada ellí pierde la secuencia señal y tresfórmase yá en proinsulina, que ye tresportada al aparatu de Golgi y depués a los gránulos de secreción, onde un enzima proteolíticu quíta-y el péptidu C a la cadena, quedando yá la insulina nos gránulos preparada pa la so secreción.

Funciones[editar | editar la fonte]

En términos xenerales, la insulina estimula procesos anabólicos y inhibe procesos catabólicos nel fégadu, músculu y texíu adiposu.