Catuxa II de Rusia

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Catuxa II de Rusia
Cath2russia.jpg
Emperatriz de Rusia
Dinastía Románov
Periodu 28 de xunu de 176217 de payares de 1796
Predecesor Pedro III
Socesor Pablo I
Nacimientu Pomerania, 21 d'abril de 1729
Fallecimientu Tsárskoye Seló, 17 de payares de 1796

Catuxa II de Rusia, o Catuxa la Grande, (Catarina la Grande-Екатерина Великая, Yekaterina Velíkaya) (Stettin 1729 - San Petesburgu 1796). Princesa alemana que devino zarina de Rusia por mor de l'abdicación del so home el zar Pedro III de Rusia. Representa la monarca illustrada por antonomssia del sieglu XVIII en Rusia. La so lleenda caltúvose viva fasta anguaño.

Nacía como princesa alemana Sofía Federica Augusta d'Anhalt-Zerbst, nomada Figchen, fía de Cristian Augusto d'Anhalt-Zerbrst y Johana Elizabeth de Holstein-Gottorp, foi emperatriz de Rusia dende'l 28 de xunu de 1762 hasta la so muerte.

En 1744 Sabela I de Rusia, entá ensin socesores direutos, escoyóla como esposa pal so sobrín Pedro III, al que quería nomar heriede del tronu rusu. Fondamente convencía de la importancia del papel que tenía de xugar nel so nuevu país, nun atuñó esfuercios pa deprender la llingua rusa. Desdexó les sos creyencies protestantes p'abrazar la relixón ortodoxa, y camudó'l so nome pol de Catarina Alexéievna (Екатерина Алексеевна). El matrimoniu con Pedro III, ñetu de Pedro'l Grande, permitió-y entrar na Dinastía Románov, pero nun foi abondo feliz, darréu que Catarina identificóse más cola oposición, lleendo a Voltaire y Montesquieu, al empar que s'informaba sobro lo qu'asocedía en Rusia. Les escentricidaes de Pedro, y la so política de secularización de bienes, traxéron-y la malquería de dellos seutores, ente ellos, la Ilesia. Grigori Orlov, quiñón de Catarina dio un güelpe d'Estáu y asesinó al Zar.

Infancia[editar | editar la fonte]

Ñació na ciudá de Stettin, capital hestórica de Pomerania, daquella perteneciente al reinu de Prusia y qu'anguaño fai parte de Polonia, nel añu 1729. Fía del príncipe Cristianu Augustu d'Anhalt-Zerbst i de la princesa Sabela d'Schleswig-Holstein-Gottorp. La de so yera una familia de tercer grau dientro de la nobleza alemana d'entamos del sieglu XVIII. La so educación desendólcase pente medies d'una cierta precariedá económica anque non cultural.

Casamientu y descendencia[editar | editar la fonte]

Nel añu 1745 la princesa d'Anhalt-Zerbst, Sofia Augusta, ye escoyuda pola zarina Sabel I de Rusia pa casase col so sobrín y herederu, el futuru zar Pedro III de Rússia. L'entós sarevitx Pedro de Rusia yera fíu del duque Carlos Federicu d'Holstein-Gottorp y de la gran duquesa Ana de Rusia fía de Pedro I de Rusia y hermana de la zarina Sabela I de Rusia. El casamentu producióse en 1745, la pareya establecióse en San Petesburgu y tuvieron dos fíos, magar que la so paternidá púnxose en dulda:

La paternidá de los sos fíos atribúise a ún de los sos múltiples amantes, n'especial a Sergi Saltykov. La zarina tevo dellos amantes y paez demostrar el fechu de que padecía de ninfomanía, pos descubriéronse munchos aparatos de calter sexual.

Esposa de Pedro III de Rusia[editar | editar la fonte]

El fracasu del matrimoniu que tevo llugar yá na nueche de bodes, pues nun va ser fasta doce meses dempués la so consumación. Pedro garrará una amante y Catuxa entamará contautos con estremaos grupos de poder contrarios al so maríu y a un tiempu también entamaba la so particular y estensa llista d'amantes.

Perinformada de les noticies qu'asocedíen en Rusia y nel restu d'Europa, caltenía correspondencia colos más grandes pensadores del momentu, incluyíos Diderot i Voltaire.

En 1762 el so home accede la tronu col nome de Pedro III de Rusia, pero les sos escentricidaes y les sos polítiques, perespecialmente la so obsesión con Prusia, creáron-y múltiples enemigos que veíen en Catuxa la candidata ideal pa ocupar el tronu de Rusia. Catuxa y el so amante Grigori Orlov lideraron un golpe d'estáu emplegando una tropa que taba nel Palaciu onde residía'l zar, capturáronlu y tresportáronlu al castiellu de Ropsha onde una selmana dempués diba morrer asesináu polos partidarios de la so muyer. Catuxa convertíase asina na nueva zarina, adoptando'l nome de Catuxa II de Rusia.

Zarina de Rusia[editar | editar la fonte]

Na política interna destaca la voluntá de reforma de les lleis y códigos, y pa desendolcar esta política convoca una comisión llexislativa na que toles clases sociales, cola esceición de los sirvientes, tán representaes. Meses dempués, desconvócala nuna foleada de conservadurismu tres de la revuelta cosaca dirixida por Yemelyan Pugachev nos años 1774 - 1775. Por mor de la revuelta reorganiza les provincies y los distritos rusos p'algamar un meyor control de les aries rurales.

Favorez la colonización de les nueves aries ocupaes n'Alasca y n'Ucraina, dando-y tierres a la nobleza y garantizándo-yos siervos. Estableció la Sociedá Económica Llibre pa promover la modernización de l'agricultura y la industria. Animó a la inversión estranxera a establecese en Rusia pa convertila nun motor nes rexones menos desendolcaes. Amenorgó la presencia de la censura na sociedá rusa dándo-y puxu a la educacuón de les clases medies y de l'aristocracia.

No que cinca a la política esterior de la zarina Catuxa, ésta carauterízas pol continu avance de la frontera rusa al Oeste. Nos primeros años del so reináu, el ministru d'Asuntos Estranxeros foi Kikita Panin, qu'exerció una influyencia considerable. El so exerciciu tuvo empobináu a algamar el Pautu del Norte, un pautu ente les monarquíes de Rusia, Polonia, Prusia, Suecia y abiertu al Reinu Xuníu a la escontra de la xunión de los borbones de Francia y España i de los Habsburgu d'Austria. El pautu fracasày Panin pierde'l sofitu de la zarina teniendo que dimitir nel añu 1781.

La custión polaca[editar | editar la fonte]

Nel añu 1764 Catuxa coloca un antiguu amante nel tronu de Polonia], Estanislau II Augustu de Polonia. Magar que la idega foi de Prusia, Rusia salió mui favorecida de les tres socesives reparticiones que se-y aplicaren a Polonia, nes que participaren Prusia y Rusia, i en menor midida Austria (1772, 1793 i 1795.

L'Imperiu otomanu[editar | editar la fonte]

Nel reináu de Catuxa, Rusia conviértese na principal potencia de la Europa Oriental. La rivalidá col imperiu Otomanu esprésase nes guerres turcoruses de 1768 - 1774 y de 1787 - 1792 N'estres guerres, Catuxa intentará aplicar la filosofía de les reparticiones polaques, pero nun tien ésitu. Con too y con eso, ye quien a debilitar les posiciones otomanes y facese cola península de Crimea na Primera Guerra Turcorusa situación ratificada dempués de la Segunda Guerra Turcorussa y col Tratáu de Jassy.

Guerra de soccesión bávara[editar | editar la fonte]

Tres de la muerte ensin descendientes direutos de l'últimu elleutor de la rama principal de la familia de los Wittelshbach una guerra, la Guerra de Soccesión de Baviera ente Austria y Prusia entamó col enfotu de colocar a los propios candidatos al tronu bávaru 1778 - 1779. Demientres qu'Austria apostaba pol príncipe Carlos IV Teodor de Baviera y Prusia i Saxonia facíenlo pol conde Carlos II de Zweibrücken. Catuxa foi nomada intermediadora p'algamar la paz que s'alcuerda nel Congresu de Teschen de 1779.

Catuxa diba xugar un rol importantísimu que darréu nel sieglu XIX y XX diba xugar el Reinu Uníu, y féxolo munches vegaes inconscientemente.

Confliutu con Suecia[editar | editar la fonte]

Nel añu 1788 Rusia alcuéntrase implicada nuna guerra con Suecia. El tronu suecu taba ocupáu pol primu de Catuxa, el rei Gustavu III de Suecia. Suecia reclamana les progresives conquistes ruses nos estaos bálticos. La guerra tuvo estremaes etapes, la qu'enfrenta Rusia con Suecia y la que fai esta última escontra Dinamarca. El confliutu sellaráse restableciendo los estremaos territorios a les estremaes naciones. La paz reina per 20 años.

La Cultura[editar | editar la fonte]

Catuxa autocalifícase como una "filósofa nel tronu". Magar la so voluntá de pasar por una soberana illustrada y lliberal munchos de los sos actos denote un menospreciu polos siervos, dándo-y carauterístiques d'una tirana y con una gran falta de sensibilidá lliberal.

Foi una patrona de les Artes y de la Lliteratura. El Muséu de l'Hermitage entamó coles pieces de la coleición particular de la zarina. Escribió un manual pa la educación de los neños inspirándose nes idees de John Locke, fundó l'Institutu Smolny, deviniendo una de les más importantes insituciones d'Europa na so especialidá.

Escribió noveles, comedies y memories. Caltuvo correspondencia con Diderot, D'Alembert y Voltaire. Magar too, el so reináu tuvo marcáu tamién pola figura de la censura.

{{{2}}}
Wikimedia Commons tien archivos rellacionaos con: