Carlos Barredo

De Uiquipedia
Saltar a: navegación, buscar

Carlos Barredo Llamazales (Uviéu, 5 de xunu de 1981) ye un ciclista profesional.

Carlos Barredo nuna imaxe del Tour de Francia de 2007

Hasta la edá de nueve años vivió na localidá pongueta de Taranes, pasando depués a asitiase cola so familia en Xixón.

La so formación como ciclista fízola nes categoríes cadete y xuvenil del equipu xixonés Estel-Las Mestas, onde entamó con catorce años. El so pasu a la categoría d'amateur llevólu a los equipos cántabros Margutsa y Once-Wurth.

Debutó como profesional en 2004 col equipu Liberty Seguros, equipu col que continúa en 2006 baxo la denominación d'Astana. Recala depués nel equipu Quick Step, nel so somantu termina cuartu nel Campeonatu d'España contra reló, pero xuega normalmente un papel de gregariu de corredores como Paolo Bettini o Juan Manuel Garate.

En 2006, con un equipu tocáu pol casu de la Operación Puerto, Barredo nun confirma realmente'l talentu reveláu en 2005, a pesar d'algamar una victoria d'etapa nel Tour Down Under.

La so victoria más importante llega nel mes d'agostu de 2009 cuando gana la Clásica de San Sebastián.

El 25 d'avientu de 2012 anunció la so retirada del ciclismu depués de nueve temporaes como profesinal y con 31 años d'edá,[1] como consecuencia del procedimientu disciplinariu que-y abrió la UCI "por aparente violación de les normes antidopaxe sobre la base de la información proporcionada pol perfil sanguineu nel so pasaporte biolóxicu".[2]

Palmarés Profesional[editar | editar la fonte]

  • 1 etapa de la Vuelta a Asturies - 2004
  • Xeneral del Premiu de la Montaña de los Tres Díes de La Planne - 2005
  • 1 etapa del Jacob's Creek Tour Down Under - 2006
  • 10u na clasificación xeneral de la Vuelta Ciclista a España - 2007
  • Victoria na quinta etapa de la París - Niza - 2008
  • Victoria na Clásica de San Sebastián - 2009
  • 15a etapa de la Vuelta Ciclista a España - 2010

Equipos[editar | editar la fonte]

Referencies[editar | editar la fonte]