Bōgu

De Uiquipedia
Saltar a: navegación, buscar
Prauticantes de kendo llevando bōgu

Bōgu (防具, “equipu proteutor”) ye’l términu xaponés que denoma’l conxuntu de proteiciones usaes sobre too pa la práutica del Kendo, pero tamién n’otres artes marciales xaponeses onde se prautica de cutiu’l “shiai” (competición) con armes acionaes pal contautu plenu, como nel Jukendo, nel Naginatajutsu o nel Sojutsu, o mesmo n’otres a mano vacía, como’l Nihon Kempo.

Xeneralidaes[editar | editar la fonte]

La forma del bōgu ta inspirada nos yoroi, les armadures de los samuráis. Ye una evolución d’elles qu’apruz nel sieglu XVIII.

El bōgu compónse de:

  • Men (面) o cascu: proteición de cara, craniu, gargüelu y costazos.
  • Kote (甲手) o guantes: proteición de manes, moñeques y antebrazos.
  • (胴) o petu: proteición de troncu y banduyu.
  • Tare (垂れ) o faldón: proteición de vería y muslos.

Estos elementos tán arreyaos al cuerpu polos himo (gordones). El “men” ta fixáu con un noyu detrás de la cabeza. El prauticante ponlu n’acabante colocase na cabeza’l tenugi, que val pa ensugar el sudu y que nun pase pa los güeyos. El “do” átase en tres puntos: dos a nivel de los costazos y otru más a nivel del renaz. Los himo de los kote nun tienen que tar nin mui apertaos nin mui floxos, al envís de dexar les moñeques llibres y amortiguar los golpes. El tare anóyase sobre la solapa interior de la chaqueta, darréu que’l noyu ha ser invisible. Vistir y llevar el bōgu son elementos esenciales na etiqueta del kendo.

Arriendes de protexer, estes pieces, quitando’l tare, formen el blancu (o datotsu-bui) onde tien que golpiar el shinai. D’esta miente’l bōgu permite que’l combatiente solmene un golpe ensin riesgu de mancar al otru, al tiempu que lu protexe de los malos golpes.

Los bōgu suelen fabricase en Xapón, Corea, República Popular China y Taiwán.

Materiales utilizaos[editar | editar la fonte]

Bōgu completu de kendo

Pal men :

  • algodón acolchao, pespuntiao y tiñío n’índigu;
  • una rede de metal (duraluminiu o titaniu).

Pa los kote

  • algodón acolchao, pespuntiao y tiñío n’índigu sobro l’antebrazu;
  • cueru, acolchao de cutiu con pelo de gamu sobro les manes.

Pal  :

  • tradicionalmente llámines de bambú recubiertes de cueru llacao, anque anguaño suel ser una imitación de plásticu;
  • cueru doble y cosío pela parte cimera.

Pal tare

  • algodón acolchao, pespuntiao y tiñío n’índigu.

Pueden amestase pieces de cueru sobro l’algodón. Tradicionalmente’l cueru utilizao ye de gamu o de corzu, pero anguaño atópase tamién de vaca o en materiales sintéticos.

Un bōgu pesa ente 6 y 8 quilos.

Calidaes[editar | editar la fonte]

La calidá d’un bōgu depende de trés factores: los materiales utilizaos, l’intervalu del pespunte y el nivel del artesanu. Hai dos grandes families de calidaes de bōgu :

  • Los bōgu fechos a mano. Fabríquense sobre too en Xapón, los pespuntes y el tresnu fáense a mano. D’esta miente pue facese un pespunte llamao “en diamante”, daqué asemeyao a la testura d’un plásticu de burbuyes. Estos bōgu tienen sonadía de ser perbonos, atopadizos, flexibles, de gran proteición y duración. Tamién son los más caros. Rescamplen pola distancia ente los pespuntes, dada en bu (unidá xaponesa de midida d’unos 3 mm.): polo xeneral estes distancies tán ente 3 y 1 bu.
  • Los bōgu fechos a máquina. Los pespuntes y a vegaes el tresnu fáense a máquina. Esta téunica abarca una gran gama de calidaes, d’escelente a malcuriosa. Rescamplen pola distancia ente los pespuntes dada en milímetros. Polo xeneral estes distancies van de 8 a 1 mm.

Enllaces esternos[editar | editar la fonte]