Sojutsu

De Uiquipedia
Saltar a: navegación, buscar
Sojutsu
槍術
Estampe-p1000685.jpg
Enfoque Manexu de la llanza (yari)
País d’orixe Flag of Japan.svg Xapón
Fundador Desconocíu
Deporte olímpicu Non
Diferentes modelos de yari.

El Sojutsu (槍術, sōjutsu: "arte de la llanza") ye l’arte marcial xaponés de llucha cola llanza tradicional de Xapón (槍, yari). El términu "yarijutsu", que se ve escrito dacuando, ye otra llectura de los mesmos kanjis, muncho menos correuta que la de "sojutsu".

Aniciu[editar | editar la fonte]

La llanza xuega un importante papel na temprana mitoloxía xaponesa, onde se diz que les mesmes isles del Xapón foron creaes por otres tantes gotes d’agua salao que chiscó la pica d’una llanza. Pero en cuantes al tipu d’arma que conocemos, los primeros modelos de llanza aportaren del continente asiáticu. Eses primeres versiones nun-yos abultaron mui amañoses a los xaponeses, que col tiempu, cuando la teunoloxía lo permitió, habíen rediseñales.[1]

Usu y popularidá[editar | editar la fonte]

El yari foi un arma popular en tol periodu feudal del Xapón[2], siendo más barata de producir y riquiendo menos práutica qu’otres armes de guerra contemporánees, amás de permitir les formaciones d’orde zarráu de les tropes ashigaru (soldaos de lleva, de clas non guerrera), xunto coles armes de fueu cuando éstes foron adoptaes en Xapón. El cumal de la popularidá del Sojutsu algamóse nel sieglu XIII acabante producise les invasiones de los mongoles, que tamién usaben llanceros en gran númberu. [3]

Finalmente los xaponeses camudaron les piques de les llances pa que presentaren un bon númberu de variaciones, permitiendo asina l’usu de la llanza tanto a pie como a caballu, tanto pa emplegala como arma de corte como pal so principal usu como arma d’espetu. [4]

Práutica moderna[editar | editar la fonte]

Normalmente’l Sojutsu nun ye más qu’una parte del currículum de les escueles tradicionales (koryu). La Tenshin Shōden Katori Shintō-ryū, entá mui activa, reivindica ser la primera escuela n’incluyir el Sojutsu nel currículum. Otra escuela perconocida de Sojutsu ye la Hōzōin-ryū. Anque anguaño hai bien poques escueles que tovía enseñen Sojutsu, llegó a haber allá una vezona unes 450. [5]

Referencies[editar | editar la fonte]

  1. Draeger, Donn F. “Classical Bujutsu: Martial Arts and Ways of Japan”, Weatherhill 1973, 2007. Boston, Massachusetts. Páx. 71–72. Isbn = 978-0-8348-0233-9
  2. Antony Karasulas (2004)Zaimokuza Reconsidered: The Forensic Evidence, and Classical Japanese Swordsmanship, World Archaeology, 36, 4, Debates in World Archaeology pp. 507- 518
  3. Draeger, Donn F. “Classical Bujutsu: Martial Arts and Ways of Japan”, Weatherhill 1973, 2007. Boston, Massachusetts. Páx. 71–72. Isbn = 978-0-8348-0233-9
  4. Draeger, Donn F. “Classical Bujutsu: Martial Arts and Ways of Japan”, Weatherhill 1973, 2007. Boston, Massachusetts. Páx. 71–72. Isbn = 978-0-8348-0233-9
  5. Draeger, Donn F. “Classical Bujutsu: Martial Arts and Ways of Japan”, Weatherhill 1973, 2007. Boston, Massachusetts. Páx. 71–72. Isbn = 978-0-8348-0233-9