Alfred Hitchcock

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Alfred Hitchcock

Alfred Hitchcock (Londres, 13 d'agostu de 1899 - Los Ánxeles, 29 d'abril de 1980) foi un director de cine británicu.

Ñacíu nuna familia abondo probe, de bien neñu empezó a presta-y l'arte cinematográficu. Tres d'un procesu nel que pasó per varios llabores de realización cinematográfica, rueda en 1925, n'Italia y n'Alemaña el so primer filme The pleasure garden (el xardín de l'allegría)

En 1929 fai la primer película sonora del cine británicu, Blackmail (xantax), y sigue toa una riestra de producciones nes qu'amiesta dafechu el suspensu y la intriga col humor, pente les que destaca l'adaptación de la novela d'Agatha Christie, The 39 steps (los 39 pasos).

En 1939, gracies a un contratu con una productora y ente la inminencia de la guerra, marcha cola familia pa los Estaos Xuníos, país u fadrá les sos obres meyores, de les que la primera foi Rebeca nel añu 1939.

Ún de los referentes qu'apaecen en tola so obra ye'l psicoanálisis, que-y da xuegu en títulos como Spellbound (embaíu) o Marnie.

Pero ensin dulda, les sos obres de mayor ésitu foron Vertigo (1958) y Psycho (1960).

Simulación de l'afamada escena de la ducha en Psycho