113 Amalthea

De Uiquipedia
Saltar a: navegación, buscar

113 Amalthea ye l'asteroide númberu 113 de la serie, descubiertu'l 12 de marzu de 1871 dende Dusseldorf (Alemaña) pol astrónomu Karl Theodor Robert Luther (1822-1900).

Foi nomáu asina polos astrónomos de Berlín (Alemaña) pola ninfa que foi ñodriza del dios griegu Zeus. Rea, la so ma, escondiólu nel monte Ida, na islla de Creta. Ellí recoyólu la ninfa Amaltea; les abeyes destilaben pal neñu'l miel más duce y les cabres alimentabenlu col so lleche. Sigún Ovidio, la cabra frañóse un cuernu; Amaltea enllenólu de flores y de frutos y ufrió-ylu a Zeus quien, n'agradecimientu, convirtió a la ninfa y a la cabra n'estrelles (la constelación de Capricorniu). Del pelleyu la cabra, Zeus fízose una armaura: la éxida.

Notres versiones del mitu, el nome d'Amaltea conrrespondería non a la ninfa, sinón a la propia cabra.