Abeya

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Abeyes
Abeya
Clasificación científica
Dominiu: Eukaryota
Reinu: Animalia
Subreinu: Metazoa
Filu: Arthropoda
Subfilu: Hexapoda
Clas: Insecta
Subclás: Pterygota
Infraclás: Neoptera
Superorde: Endopterygota
Orde: Hymenoptera
Suborde: Apocrita
Superfamilia: Apoidea
Familias

Andrenidae
Anthophoridae
Apidae
Colletidae
Ctenoplectridae
Halictidae
Heterogynaidae
Megachilidae
Melittidae
Oxaeidae
Sphecidae
Stenotritidae


Les abeyes son inseutos voladores, cercanos a les aviespes y les formigues. Tán adautaes p'alimentase de néctar y tienen una función perimportante na polinización de plantes con flores, polo que se llamen polinizadores. Tienen una llingua llarga qu' usen pa sacar el néctar de les flores. Tienen antenes de 13 segmentos nos machos y 12 nes femes. Dos pares d'ales, les traseres más pequeñes. Les pates tán adautaes p'acollechar polen y l' apéndiz del estómagu ye un obleru usáu pa defendese.

Hai unes 16.000 especies conocíes, magar que camiéntase qu' hai alredor de 30.000 especies en total. Les abeyes pueden ser solitaries o vivir en grandes comunidaes de munches clases.

Les más avanzaes son les colonies eusociales, alcontraes ente les abeyes de miel y les abeyes ensin obleru.

Camiéntase que la socialidá evolucionó en forma separtada en distintos grupos d'abeyes.

Abeyes eusociales[editar | editar la fonte]

Bee in Prunus Armeniaca flowers.jpg

Viven en truébanos o caxellos, caún cola so reina xunto coles obreres y bázcaros.

Abeyes solitaries, comunales y cuasisociales[editar | editar la fonte]

Algunes otres abeyes formen pequeñes colonies, como gran parte de los bázcaros (Bombus terresrtis, B. pratorum, etc.) viven en colonies d'unes 30 a 400 abeyes, mentantes los truébanos d'abeyes de miel pueden tener de 40.000 a 80.000 abeyes en veranu. L'abeya reina ye quien a sobrevivir pola so cuenta un tiempu curtiu (non como les reines eusociales que necesiten que curien d'elles tol tiempu).

Miscelánea[editar | editar la fonte]

Toles abeyes comen néctar y polen. Les abeyes son perbones polinizadores y tienen gran importancia na agricultura.