Zuzana Čaputová

De Wikipedia
Saltar a navegación Saltar a la gueta
Artículu revisáu
Zuzana ČaputováPicto infobox character.png
Zuzana Čaputová (20.6.2019)VII.jpg
Presidente d'Eslovaquia

15 xunu 2019 -
Andrej Kiska
Eleiciones: Elecciones presidenciales de Eslovaquia de 2019 Traducir
Vida
Nacimientu

Bratislava21  de xunu de 1973

(46 años)
Nacionalidá Flag of Slovakia.svg Eslovaquia
Flag of the Czech Republic.svg Checoslovaquia  31 avientu 1992)
Estudios
Estudios Faculty of Law at Comenius University in Bratislava Traducir 1996) : ciencies del Derechu
Llingües Eslovacu
rusu
inglés
Oficiu
Oficiu xurista, política, activista, ambientalista y abogada
Premios
Creencies
Partíu políticu Eslovaquia Progresista Traducir
www.zuzanacaputova.sk
Cambiar los datos en Wikidata

Zuzana Čaputová (21  de xunu de 1973Bratislava) ye una política, abogada y activista ambientalista eslovaca. Ye l'actual presidenta d'Eslovaquia, convirtiéndose na primer muyer n'ocupar esi cargu.

Tamién foi una de les fundadores del partíu lliberal progresista Eslovaquia Progresista creáu en 2017, del que foi vicepresidenta dende xineru de 2018 al 19 de marzu de 2019.[1] En 2016 ganó'l premiu Goldman pola campaña que lideró escontra un vertideru illegal de residuos tóxicos en Pezinok.

Biografía[editar | editar la fonte]

Trayeutoria profesional[editar | editar la fonte]

En llicenciándose en derechu na Universidá Comenius de Bratislava en 1996 empezó a trabayar nel gobiernu llocal de Pezinok, primero como asistente nel departamentu llegal y darréu na alcaldía. El so siguiente pasu foi nel sector de les ONGs trabayando na denuncia d'abusu y esplotación infantil. Trabayó como xerente de proyeutos na asociación cívica EQ Klub nel desenvolvimientu de la comunidá llocal.

Ente 2001 y 2017 trabayó en VIA IURIS dende 2010 como xurista. La organización ta dedicada a la llucha pola tresparencia en funcionamientu del poder xudicial, responsabilidá de los funcionarios públicos, propiedá pública y fortalecimientu del control públicu sobro les autoridaes gubernamentales.

En Pezinok, mientres una década tuvo al mandu d'una campaña pública escontra l'autorización d'otru vertideru qu'agravaría la contaminación del suelu, l'aire y l'agua na ciudá y les sos árees circundantes. La llucha remató en 2013, cuando'l Tribunal Supremu de la República Eslovaca dictaminó que'l vertideru nuevu yera illegal y violaba les normes ambientales. El Tribunal emitió'l so veredictu a partir de la decisión del Tribunal de Xusticia de les Comunidaes Europees, que confirmó'l derechu públicu a participar na toma de decisiones sobro cuestiones qu'afecten al mediu ambiente. El Tribunal de Xusticia esclarió delles otres cuestiones llegales nel casu, qu'agora son vinculantes pa tola Xunión Europea.

Caputova caltien el so propiu despachu como abogada y ye autora y coautora de delles publicaciones. Tamién pertenez a la rede d'abogaos y xuristes ambientales Environmental Alliance Alliance Worldwide (ELAW).

Trayeutoria política[editar | editar la fonte]

En 2017 apaeció na escena política como fundadora del partíu Eslovaquia Progresista. En xineru de 2018 foi escoyida vicepresidenta del partíu, cargu al qu'arrenunció en marzu de 2019.

Eleiciones presidenciales marzu 2019[editar | editar la fonte]

Nuna conferencia de prensa celebrada'l 29 de marzu de 2018, Čaputová anunció oficialmente la so candidatura a la presidencia nes eleiciones convocaes en 2019, dempués de recibir el sofitu del so partíu, Eslovaquia Progresista, Llibertá y Solidaridá y SPOLU y dempués de que'l so principal oponente, Robert Mistrík, se retirara de la carrera y la sofitara'l 26 de febreru de 2019.

El 30 de marzu ganó les eleiciones presidenciales en segunda vuelta col 58,4% de los votos, ente que'l so rival, el vicepresidente de la Comisión Europea, Maros Sefcovic, qu'allegó como independiente col sofitu de los socialdemócrates llogró'l 41,59 %.[2] Na primer vuelta celebrada'l 16 de marzu llograra casi'l 40,5 % de los votos.[3]

Posiciones polítiques[editar | editar la fonte]

Caputova ta considerada una política d'ideoloxía lliberal y europeísta.[3]

Anticorrupción[editar | editar la fonte]

Una de les exes principales de la so campaña a les eleiciones presidenciales de 2019 foi la llucha escontra la corrupción. "Eslovaquia amuesa signos de ser un Estáu prindáu, paez que'l poder nun lo exercen los escoyíos, sinón aquellos que mueven les cuerdes per detrás" declaró nuna entrevista.[3]

Ambientalista[editar | editar la fonte]

Ye especialmente conocida por liderar una campaña que provocó'l zarru d'un vertideru illegal de borrafes tóxiques en Pezinok que taba contaminando la tierra, l'aire y l'agua na so comunidá. En 2013 el Tribunal Supremu d'Eslovaquia dio-y la razón estableciendo un precedente pa la participación pública eslovaca.[4]

Albuertu y derechos reproductivos[editar | editar la fonte]

No que fai a la cuestión del albuertu, Čaputová sofita'l caltenimientu del status quo esistente: "Si esiste una situación estrema y el dilema ye decidir si adoptar una norma llegal que va afectar la vida personal de la ciudadanía o va dexala baxo la responsabilidá de les muyeres y la so eleición personal, escueyo la responsabilidá d'una muyer ".[5]

Derechos LGBT[editar | editar la fonte]

Na so campaña a les eleiciones presidenciales de 2019 defendió los derechos del coleutivu LGBT y l'adopción de les pareyes del mesmu sexu.[3]

Premios y reconocencies[editar | editar la fonte]

Referencies[editar | editar la fonte]

  1. a.s, Petit Press. «Čaputová sa vzdala funkcie podpredsedníčky Progresívneho Slovenska» (sk). domov.sme.sk. Consultáu'l 2019-03-30.
  2. «Recuento final confirma la victoria de Caputova en presidenciales eslovacas». La Vanguardia (2019-03-31). Consultáu'l 2019-03-31.
  3. 3,0 3,1 3,2 3,3 Hervás, María (2019-03-30) (n'es). La ecologista que promete hacer justicia en Eslovaquia. ISSN 1134-6582. https://elpais.com/internacional/2019/03/23/actualidad/1553354674_564221.html. Consultáu 'l 2019-03-30. 
  4. AB (2016). «Los seis ganadores de los Premios Goldman 2016, los Nobel del Medio Ambiente». Consultáu'l 16 de agosto de 2016.
  5. Lenghart, Patrik (2019-02-17). «Zuzana Čaputová – pre kresťana neprípustný kandidát? Analýza.» (sk-sk). Denník N. Consultáu'l 2019-03-30.
  6. Premio Goldman (2016). «Zuzana Caputova». Consultáu'l 16 de agosto de 2016.

Enllaces esternos[editar | editar la fonte]