Zubenelakrab

De Wikipedia
Saltar a navegación Saltar a la gueta
Zubenelakrab
Zubenelakrab
Constelación Llibra
Ascensión reuta α 15h 35min 31,58s
Declinación δ -14º 47’ 22,3’’
Distancia 152 años lluz
Magnitú visual +3,93
Magnitú absoluta +0,56
Lluminosidá 71 soles
Temperatura 4822 K
Masa 2,5 soles
Radiu 14 soles
Tipu espectral K0III
Velocidá radial -27,5 km/s

Zubenelakrab —escritu tamién como Zuben Elakrab— ye'l nome de la estrella γ Librae (γ Lib / 38 Librae),[1][2] asitiada na constelación de Llibra a 152 años lluz del Sistema Solar. El so nome provién del árabe al-Zuban al-Aqrab (الزبن العقرب), que significa «les pinces del escorpión».

Zubenelakrab ye una xigante naranxa de tipu espectral K0III[1] con una temperatura efectivo de 4822 K.[3] Tien un diámetru 14 vegaes más grande qu'el del Sol, cifra calculada a partir de la midida direuta del so diámetru angular —2,16 milisegundos d'arcu—.[4] De magnitú aparente +3,93, la so lluminosidá ye 71 vegaes mayor que la lluminosidá solar.

Zubenelakrab ye más probe en metales que'l Sol; la so bayura relativa de fierro ta entendida ente'l 38%[5] y el 50%[3] de la esistente na nuesa estrella. Tien una masa envalorada de 2,5 mases solares pero nun esiste unanimidá tocantes a la so edá; ente que un estudiu señala una edá de 3900 millones d'años,[5] otru amenorga esta cifra a pocu más de 1000 millones d'años.[3]

La esistencia d'una posible compañera cercana, a 0,097 segundos d'arcu, nun pudo ser confirmada por interferometría de moteáu.[2]

Referencies[editar | editar la fonte]