Xuan I d'Aragón
Xuan I d'Aragón | |||||||||||
|---|---|---|---|---|---|---|---|---|---|---|---|
 | |||||||||||
5 xineru 1387 - 19 mayu 1396 ← Pedro IV de Aragón (es)  - Martín I de Aragón (es) →
5 xineru 1387 - 19 mayu 1396 ← Pedro IV de Aragón (es) - Martín I de Aragón (es) →
5 xineru 1387 - 19 mayu 1396
| |||||||||||
| Vida | |||||||||||
| Nacimientu | Perpignan, 27 d'avientu de 1350 | ||||||||||
| Nacionalidá | Corona d'Aragón | ||||||||||
| Muerte | Foixà, 19 de mayu de 1396 (45 años) | ||||||||||
| Sepultura | Cenobiu de Poblet | ||||||||||
| Causa de la muerte |
caída de caballo (es) | ||||||||||
| Familia | |||||||||||
| Padre | Pedro IV de Aragón | ||||||||||
| Madre | ELEONORA d'Aragona, regina d'Aragona | ||||||||||
| Casáu con |
Marta d'Armagnac (1373 (Gregorianu) – )[1] Violante de Bar (es) (1384 (Gregorianu) – )[2] | ||||||||||
| Fíos/es |
| ||||||||||
| Hermanos/es | |||||||||||
| Pueblu |
Casa de Barcelona (es) Casa Real d'Aragón | ||||||||||
| Estudios | |||||||||||
| Llingües falaes |
Aragonés medieval Catalán medieval llatín | ||||||||||
| Oficiu | gobernante | ||||||||||
| Creencies | |||||||||||
| Relixón | cristianismu | ||||||||||
 | |||||||||||
 | |||||||||||
Xuan I d'Aragón, llamáu'l Cazador o l'Amador de toa xentileza (Perpiñán, 1350 - Torroella de Montgrí (Girona), 1396), rei d'Aragón, Valencia, Mallorca, Cerdeña y Córcega, y conde de Barcelona, Rosellón y Cerdaña (1387-1396). Fíu y socesor de Pedru IV d'Aragón y de Leonor de Sicilia.
Enantes de la so entronización ostentó per vegada primera'l títulu de duque de Girona, qu'identificaba al príncipe herederu de la Casa d'Aragón, y que sigue usándose pola monarquía española.[3]
Reináu
[editar | editar la fonte]Xuan I tuvo delles diferencies col so suegru, el conde d'Armagnac. Les tropes del conde, so les órdenes de Bernardu, hermanu del conde d'Armagnac, invadieron l'Empordà y aportaron hasta Girona (1389-1390); foron refugaos poles tropes que dirixía l'infante Martín, hermanu y futuru socesor del rei. Tamién tuvo qu'amatagar una rebelión en Cerdeña.
El so reináu carauterizóse pol desorde alministrativu y financieru; anque'l rei mesmu tenía una importante formación intelectual y foi un decidíu promotor de les artes y les lletres, dexó la responsabilidá de les xeres de gobiernu a la so esposa Yolanda o Violante de Bar, mientres él dedicábase a les sos aficiones favorites, especialmente a la caza.[4] Promovió, con ayuda del so favoritu Carroza de Vilaragut, la música y la lliteratura; nesti ámbitu instituyó los Xuegos Florales de Barcelona, a imitación de los de Tolosa, en 1393, nos que participaben poetes de tola Corona d'Aragón.
Les revueltes en Cerdeña desixíen continuos gastos, que Xuan d'Aragón nun satisfaía como debiera, al dedicar costosos recursos al mecenalgu d'una refinada corte. La corrupción de los conseyeros y la vecería real, qu'esviaba partíes que taben destinaes a calmar los disturbios sardos, ya inclusive los que diben sufragar la preceptiva coronación del Rei na Catedral de Zaragoza, que por esti motivu nun llegó a celebrase, dilapidaron la facienda rexa. El rei cazador llegó al estremu de tener que vender los castiellos de realengu asitiaos nel Rosellón como mediu d'apangar la penuria alministrativa. Les Cortes d'Aragón, a quien el rei tenía que solicitar financiamientu, acabaron refugando pagar les soldaes destinaes a espectáculos y fiestes cortesanes, alegando la inmoralidá que suponía esbardiar nestos fastos cuando la realidá social del pueblu sufría escasez y la economía travesaba una crisis. Xuan I, énte la negativa de les Cortes a sufragar la monarquía, empezó a pidir préstamos a los banqueros de Florencia, lo qu'anició la decadencia de la economía de Cataluña y la puxanza económico y comercial d'Aragón y Valencia.[5]
En 1391 la probeza prendió la mecha de les persecuciones a los xudíos de Cataluña, Baleares y Valencia; el branu d'esi añu foron asaltaos los barrios hebreos de les ciudaes de Mallorca, Valencia, Lleida, Girona y Barcelona.
Morrió na viesca d'Orriols (Torroella de Montgrí, Girona) por cuenta de una cayida del caballu mientres s'atopaba nuna cacería (1396). Al nun tener descendencia masculina, foi asocedíu pol so hermanu Martín. Martín I «l'Humanu» refugó la invasión de les tropes del conde Matéu I de Foix, casáu con Xuana, fía de Xuan, que pretendía asocede-y. Violante, otra fía de Xuan que tamién optó a la socesión, yera la esposa de Lluis II d'Anjou.
Matrimonios y descendencia
[editar | editar la fonte]
Casó en primeres nupcies con Marta d'Armagnac (1347-1378), fía del conde Xuan I d' Armagnac. Cola que tuvo:
- Xaime (1374).
- Xuana, (1375-1407) que casó con Matéu, conde de Foix. Tres la muerte del so padre, reclamó'l tronu al pie del so home, siendo derrotaos. Morrió ensin descendencia.
- Xuan (1376).
- Alfonsu (1377).
Tres enviudar, casó con Violante de Bar (1365-1431), fía de Robertu I, duque de Bar. Descendencia:
- Xaime Duque de Girona (1382-1388).
- Yolanda, que casó con Lluis II d'Anjou, rei titular de Nápoles. El fíu de dambos, Lluis III, pretendió'l tronu tres la muerte de Martín I l'Humanu, nel compromisu de Caspe.
- Fernandu Duque de Girona (1389).
- Antonia (1391-1392).
- Xuan Duque de Girona (1392-1396).
- Leonor (1393).
- Pedri (1394).
- Xuana (1396).
Tuvo siete fíos homes, magar toos morrieron primero que él, polo que-y asocedió'l so hermanu Martín I l'Humanu.
Introducción del Humanismu na Corona d'Aragón
[editar | editar la fonte]Xuan I xunto con Johan Ferrández d'Heredia y Bernat Metge foi unu de los primeros eruditos europeos n'amosar interés pola cultura clásica y la italiana. El so mayurdomu tradució a Séneca al valencianu y el rei Xuan yera un gran coleicionista de llibros y llector habitual d'escritores clásicos como Liviu y Plutarcu. Con éses, caltenía una importante correspondencia sobre llibros con Heredia y Gian Galeazzo Visconti, Duque de Milán.[6]
Referencies
[editar | editar la fonte]- ↑ Identificador de persona en The Peerage: p11340.htm#i113399. Data de consulta: 7 agostu 2020.
- ↑ Charles Cawley. «Charles Cawley, "Medieval Lands", 2006-2020» (inglés). Consultáu'l 9 febreru 2016.
- ↑ Vicente Salas Merino, Genealogía de los reyes de España, Madrid, Visión, 2007, páx. 116.
- ↑ Javier Leralta, Apodos reales: historia y leyenda de los motes regios, Madrid, Sílex (Serie Historia), 2008, páx. 245.
- ↑ Leralta, op. cit., páxs. 245-246.
- ↑ Peter Burke, 'El Renacimiento Europeo, Barcelona, Crítica, 2000, páx. 53.
Bibliografía utilizada
[editar | editar la fonte]- Javier Leralta, «Apodos reales: historia y leyenda de los motes regios» Llamatos reales: hestoria y lleenda de los llamátigos rexos, Madrid, Xiles (Serie Historia), 2008.[1] ISBN 978-84-7737-211-0
- Vicente Sales Merín, Xenealoxía de los reis d'España, Madrid, Visión, 2007. ISBN 978-84-9821-767-4
| Control d'autoridaes |
|
|---|
Datos: Q358374
Multimedia: John I of Aragon