Xosé Caveda y Nava

De Wikipedia
Saltar a navegación Saltar a la gueta
Xosé Caveda y Nava
Escudo de España (mazonado).svg
diputáu d'España

Vida
Nome completu José Caveda y Nava
Nacimientu Villaviciosa1796
Nacionalidá Bandera d'España España
Fallecimientu

1882

(85/86 años)
Estudios
Llingües castellanu
asturianu
Oficiu
Oficiu políticu y escritor
Llugares de trabayu Madrid
Premios
Miembru de Real Academia Española
Real Academia de la Historia
Real Academia de Belles Artes de San Fernando
Cambiar los datos en Wikidata

Xosé Caveda y Nava (1796Villaviciosa - 1882), foi un escritor asturianu, ún de los qu'entamaron la escritura n'asturianu.

Yera fíu de Francisco de Paula Caveda y Solares, amigu de Gaspar Melchor de Xovellanos. Entamó los estudios nel Institutu Xovellanos de Xixón, treslladándose dempués a Madrid. La invasión francesa y la muerte de so padre, interrumpiéron-y los estudios, magar que siguió la so formación d'un mou autodidacta en Villaviciosa, ingresando en 1818 na Real Academia de la Historia.

Durante'l Trieniu Lliberal formó parte de la Milicia Nacional, polo que, cola restauración del absolutismu hebo de tapecese na so ciudá natal. Tres de la muerte de Fernandu VII foi miembru de la Xunta Xeneral del Principáu d'Asturies, hasta la so desapaición cuando va sostituyila la diputación provincial.

Formó parte de les files moderaes y foi diputáu en Cortes en 1837. Escribió una «Memoria histórica sobre la Junta General del Principado» (1834) y «Colección de poesías en dialecto asturiano» (1839) que foi'l primer llibru imprentáu n'asturianu; una esbilla de poesíes, con delles propies que foi modelu lliterariu pa los escritores n'asturianu del sieglu XIX. La imaxe rural qu'espeyó nes sos obres devino un tópicu.