Xibia

De Wikipedia
Saltar a navegación Saltar a la gueta

Los sepíidos (Sepiida) son un orde de moluscos cefalópodos conocíos n'Asturies col nome de xibia, chocu o chopu. Son un exemplu de la modificación de la concha característica de la mayor parte de los cefalópodos: ye mui reducida y queda oculta debaxo la cara dorsal del cuerpu, cubierta polos pliegues llaterales del mantu. Nel casu de la xibia esa concha tien forma de cuyar. De los sos tabiques orixinales nun queden más qu'unes lámines calcárees, que parten de la capa córnea pa descender oblicuamente hacia la zona ventral del cuerpu.

Algama los 30 a 40 cm de lonxitú. Vive nel fondu de mares poco profundos, xeneralmente entre l'ocle. Ta bien adaptada pa nadar ente dos agües, actividá que practica intensamente. Desplázase mediante una ondulación progresiva de los pliegues llaterales del mantu. N'ocasiones tamién recurre a la enerxía reactiva, expulsando l'aire de la cavidá paleal pel tubu del embudu. En casu de peligru, esti modu de locomoción permite una rápida fuxida, efectuando verdaderos saltos nel agua. Ye una especie comestible.

Come pequeños moluscos, cámbaros, pexes y otros de la so mesma especie, que mastica gracies al so picu triturador, usado otres veces como defensa d'últimu remediu. Ente los sos predadores inclúyense les toliñes, tiburones, pexes, foques y otros de la so misma especie. Viven d'unu a dos años.

Cambiu de color[editar | editar la fonte]

Les xibies tienen tres célules relacionaes colos colores y la reflexión de la lluz na so piel, los cromatóforos. Célules con forma d'estrella cuyos brazos son músculos y cuyu centro ye un saquín de pigmentu. Estos músculos tan directamente conectaos al cerebru, lo que permite a la xibia un gran control sobre ellos y un cambiu de color en 2 segundos. Cuando los músculos s'exciten, dilaten el cromatóforu, y el pigmentu faise visible na piel de la sibia.

La pesca de la xibia n'Asturies[editar | editar la fonte]

La estadística oficial de la pesca de la xibia n'Asturies, sofitada na venta realizada nes rules ye la que vien darréu (fonte: Direición Xeneral de Pesca Marítima[1]):

Estadística de la pesca de xibies
Añu Pesu Importe Preciu Mediu
2004 20.672,05 Kg 52.132,23 € 2,52 €/Kg
2005 29.624,98 Kg 67.306,33 € 2,27 €/Kg
2006 21.178,00 Kg 59.019,55 € 2,79 €/Kg
2007 81.165,87 Kg 387.170,68 € 4,77 €/Kg
2008 80.573,73 Kg 323.084,74 € 4,01 €/Kg
2009 38.303,44 Kg 193.664,12 € 5,06 €/Kg
2010 95.330,60 Kg 473.838,96 € 4,97 €/Kg
2011 106.854,01 Kg 501.696,22 € 4,70 €/Kg
2012 63.562,71 Kg 252.409,10 € 3,97 €/Kg
2013 37.096,75 Kg 117.668,00 € 3,17 €/Kg
2014 19.658,25 Kg 79.668,00 € 4,05 €/Kg
2015 19.662,60 Kg 77.673,18 € 3,95 €/Kg

Notes[editar | editar la fonte]