Xi Serpentis

De Wikipedia
Saltar a navegación Saltar a la gueta
Xi Serpentis
Xi Serpentis
Situación de Xi Serpentis na constelación de Serpens.
Constelación Serpens
Ascensión reuta α 17h 37min 35,2s
Declinación δ -15º 23’ 55’’
Distancia 105 ± 4 años-lluz
Magnitú visual +3,54
Magnitú absoluta +0,99
Lluminosidá 31 soles
Temperatura 7100 K
Masa ≈ 2 soles
Radiu 3,7 soles
Tipu espectral F0IIIp
Velocidá radial -42,8 km/s

Xi Serpentis (ξ Ser / 55 Serpentis / HD 159876 / HR 6561)[1] ye una estrella na constelación de Serpens. Magar tener la denominación de Bayer «Xi», decimocuarta lletra del alfabetu griegu, ye la cuarta estrella más brillosa na constelación, detrás de Unukalhai (α Serpentis), η Serpentis y μ Serpentis. Ensin nome propiu habitual, en China yera conocida como Nan Hae, el Mar del Sur».[2] Asitiada en Serpens Cauda —la cola de la culiebra—, tien magnitú aparente +3,54.[1]

Asitiada a 105 años lluz de distancia del Sistema Solar, Xi Serpentis ye una estrella blancu-mariella de tipu espectral F0, clasificada como xigante o subxigante. Con una temperatura superficial de 7100 K, relluma con una lluminosidá 31 vegaes mayor que la del Sol y tien un radiu 3,7 vegaes mayor qu'el radiu solar. De lenta rotación, con una velocidá ecuatorial igual o mayor de 32 km/s, completa una vuelta en menos de 5,8 díes. Catalogada como estrella peculiar, la so composición química ye, sicasí, asemeyada a la solar, esceición fecha pol baxu conteníu de carbonu. La so masa ye aprosimao'l doble que la del Sol y la so edá envalórase nunos 1100 millones d'años. Tamién foi clasificada como una variable Delta Scuti, asemeyáu a Caph (β Cassiopeiae).[3]

Xi Serpentis ye, amás, una estrella binaria espectroscópica que la so acompañante tien un periodu de 2,29 díes, lo qu'equival a una separación ente dambes de namái 0,05 UA.[3]

Referencies[editar | editar la fonte]

  1. 1,0 1,1 Xi Serpentis (SIMBAD)
  2. Allen, Richard Hinckley (1889). «Serpens», en Courier Dover Publications: Star Names — Their Lore and Meaning (en inglés), 563. ISBN 0-486-21079-0.
  3. 3,0 3,1 Xi Serpentis (Stars, Jim Kaler)