Wei (estrella)

De Wikipedia
Saltar a navegación Saltar a la gueta
Wei (estrella)
Wei
Constelación Scorpius
Ascensión reuta α 16h 50min 09,81s
Declinación δ -34º 17’ 36,6’’
Distancia 65 ± 1 años lluz
Magnitú visual +2,29
Magnitú absoluta +0,78
Lluminosidá 72 soles
Temperatura 4400 K (aprox)
Masa 1 - 1,5 soles
Radiu 13 - 15 soles
Tipu espectral K1III
Velocidá radial -2,5 km/s

Wei (ε Scorpii / ε Sco / 26 Scorpii / HD 151680)[1] ye la cuarta estrella más brillosa de la constelación del Escorpión, siendo la so magnitú aparente +2,29. Ye superada en rellumu por Antares (α Scorpii), Shaula (λ Scorpii) y Sargas (θ Scorpii). El nome de Wěi, «la cola», originariamente yera'l nome d'una constelación china qu'incluyía a μ1, μ2, ζ1, ζ2, η, θ, ι, κ, υ y λ Scorpii.[2]

Distante 65 años años lluz del Sistema Solar, Wei tópase más cerca que munches otres estrelles de la constelación acomuñaes ente sigo. Ye una xigante naranxa de tipu espectral K1III[1] y 4400 K de temperatura efectivo, que la so lluminosidá (incluyida la radiación emitida nel infrarroxu) ye 72 vegaes mayor que la del Sol. Con un radiu ente 13 y 15 vegaes mayor qu'el radiu solar,[3] el so tamañu ye discretu comparáu al d'otres estrelles xigantes como Aldebarán (α Tauri), que'l so radio ye 3 vegaes más grande.

Con una incierta masa ente 1 y 1,5 mases solares, la edá de Wei puede ser comparable a la del Sol. Anque nun se conoz con certidume'l so estáu evolutivu, la opción más probable ye que tea aumentando en rellumu con un nucleu inerte de heliu; sicasí, una pequeña variación reparada nel so rellumu (en redol al 10% del mesmu), suxure que la medría en lluminosidá puede debese a la esistencia d'un nucleu inerte de carbonu y oxíxenu. Tien una metalicidá en redol al 70% de la solar y la so velocidá de rotación proyeutada (1,7 km/s) da como resultáu un periodu de rotación d'hasta 1,3 años.[3]

La velocidá a la que Wei muévese respectu al Sol, 63 km/s, ye trés o cuatro veces mayor que la de les estrelles cercanes del discu galácticu, lo qu'indica que Wei ye una visitante proveniente del discu más antiguu y gruesu que constitúi la transición col halo galácticu.[3]

Ver tamién[editar | editar la fonte]

Referencies[editar | editar la fonte]

  1. 1,0 1,1 Epsilon Scorpii (SIMBAD)
  2. Richard Hinchley Allen (1889). Star Names: Their Lore and Meaning. Dover Publications. ISBN 0-486-21079-0.
  3. 3,0 3,1 3,2 Epsilon Scorpii (Stars, Jim Kaler)