Shaula

De Wikipedia
Saltar a navegación Saltar a la gueta
Shaula
Lambda Scorpii A
Llocalización de λ Scorpii na constelación de Escorpiu.
Constelación Escorpiu
Ascensión reuta α 17h 33m 36,52s
Declinación δ -37° 06’ 13,8’’
Distancia 570 años lluz ?
Magnitú visual +1,62
Magnitú absoluta -5,05
Lluminosidá 8.500 soles
Temperatura 25.000 K
Tipu espectral B2IV
Velocidá radial -3 km/s

Shaula (λ Sco / 35 Sco) ye un sistema estelar asitiada na constelación d'Escorpiu («L'Escorpión»). A pesar del so designación Bayer «Lambda» (sesta lletra del alfabetu griegu) ye, tres Antares (α Scorpii), el segundu puntu más brillosu de la constelación. El so nome provién del árabe الشولاء aš-šawlā´, «l'aguiyón».

Componentes del sistema[editar | editar la fonte]

Shaula apaez visualmente como una estrella múltiple con trés componentes: λ Scorpii A, de magnitú aparente +1,62, λ Scorpii B a una distancia de 42 segundos d'arcu, y λ Scorpii C, a una distancia de 95 segundos d'arcu d'A. Desconozse si les componentes B y C tán físicamente acomuñaes a A.

Lambda Scorpii A ye, de la mesma, un sistema estelar triple. La componente principal, Shaula A o Shaula Aa, ta catalogada como una subxigante azul de tipu espectral B2IV[1] y una temperatura superficial de 25.000 K. El so radiu ye 6,2 vegaes mayor que la solar y la so masa equival a unes 11 mases solares, parámetros más en concordanza con una estrella de secuencia principal y non con una subxigante.[2] Ye amás una variable pulsante de tipu Beta Cephei con dos periodos superpuestos de 0,2137 y 0,1069 díes.

Shaula B orbita cada 2,96 años alredor de la estrella principal, a una separación media real de 5,7 unidaes astronómiques (ua). Puede considerar una versión menor de Shaula A; el so radiu ye 5,4 vegaes la solar y la so masa ye 8 vegaes la del Sol. Con una temperatura superficial de 21.000 K, ye 5.000 vegaes más lluminosa que'l Sol.[2]

La tercera componente, denomada Shaula Ab, tien un periodu orbital en redol a Shaula Aa de namái 5,9525 díes, nuna órbita escéntrica —a pesar de la so proximidá— que fai que la separación ente les dos estrelles varie ente 0,11 y 0,19 ua. Con una masa envalorada 1,8 vegaes mayor que la masa solar, Shaula Ab puede ser una estrella de neutrones, una nana blanca masiva o, quiciabes con mayor probabilidá, una estrella T Tauri entá en formación, dada la mocedá del sistema, que ye inferior a los 15 millones d'años.[2]

El sistema tien una metalicidá —bayura relativa d'elementos más pesaos qu'el heliu— inferior a la solar ([M/H] = -0,24 ± 0,08).[3]

Distancia[editar | editar la fonte]

Anque la paralax correxida del satélite Hipparcos (5,71 ± 0,75 milisegundos d'arcu)[1] asitia a Shaula a 570 años lluz de distancia de la Tierra, otres observaciones suxuren que la distancia puede ser de namái 365 años lluz, cifra sensiblemente menor.[2]

Referencies[editar | editar la fonte]

Ver tamién[editar | editar la fonte]