Volvariella bombycina

De Wikipedia
Saltar a navegación Saltar a la gueta
Commons-emblem-notice.svg
 

Picto infobox fungus.png

Volvariella bombycina
Volvariella bombycina-2.jpg
Clasificación científica
Reinu: Fungi
División: Basidiomycota
Clas: Agaricomycetes
Orde: Agaricales
Familia: Pluteaceae
Xéneru: Volvariella
Especie: V. bombycina
(Schaeff.) Singer, 1951
Sinonimia
  • Agaricus bombycinus Schaeff.
  • Agaricus bombycinus var. bombycinus Schaeff.
  • Agaricus denudatus Batsch
  • Pluteus bombycinus (Schaeff.) Fr.
  • Volvaria bombycina (Pers.) P. Kumm.
  • Volvariopsis bombycina (Schaeff.) Murrill
[editar datos en Wikidata]
Volvariella bombycina
Carauterístiques micolóxiques
Symbol question.svg
Convex cap icon.svg 
El sombreru ye convexu
Adnexed gills icon2.svg 
Volva stipe icon.png 
El pie tien volva
Pink spore print icon.png 
Espores de color rosa
Saprotrophic ecology icon.png 
La ecoloxía ye saprófita
Edible toxicity icon.png 
Comestibilidá: comestible
[editar datos en Wikidata]

Volvariella bombycina, tamién conocíu como volvaria sedosa,[2] ye un fungu basidiomiceto de la familia Pluteaceae.[1] Ye una especie saprófita, non bien frecuente, que crez sobre materies en descomposición, raigaños y tueros de distintes especies d'árboles caducifolios. Suel crecer sobre rama muertes de pumares, a un par de metros d'altor. La cogorda, o cuerpu granible, apruz dende finales de primavera hasta mediaos de seronda.[2] El basónimu d'esta especie ye Agaricus bombycinus Schaeff. 1774,[1] y el so epítetu específicu, bombycina, deriva de bombyx, "vierme de seda", y fai referencia al aspeutu sedosu del sombrerucu. Ye comestible, anque abondo escasa y de sabor non demasiao prestosa.[2]

Descripción[editar | editar la fonte]

La cogorda, o cuerpu granible, d'esti fungu presenta un sombreru ente 8 y 20 centímetros de diámetru, y ye de color blancu —de color mariellu claru na var. flaviceps—, cubiertu de fibres sedoses, que-y confieren un aspeutu llanudu bien característicu. N'exemplares nuevos, el sombreru tien forma ovoide o acampanada. Más tarde el sombreru estiéndese, adquiriendo una forma convexa. Les llámines son llibres, bien tupies, anches y ventrudes, de color blancu de primeres, y tomen un color arrosáu más tarde y color carne a la vieyera. El pie ye llisu y de color claru, mide ente 8 y 15 centímetros de llargor y ente 1 y 1,5 de diámetru, daqué más fino cerca del sombrerucu. Nun tien aniellu y presenta una gran volva. La esporada ye rosada y la so carne ye blanca, blanda y de sabor paecíu al del rábanu.[2]

== Variedaes estremen les siguientes variedaes de Volvariella bombycina:

  • V. bombycina var. bombycina (Schaeff.) Singer 1951
  • V. bombycina var. ciliatomarginata Desjardin & Hemmes 2001
  • V. bombycina var. flaviceps (Murrill) Shaffer 1957
  • V. bombycina var. microspora Dennis 1961
  • V. bombycina var. palmicola (Beeli) Shaffer 1963

Referencies[editar | editar la fonte]

  1. 1,0 1,1 1,2 «Volvariella bombycina» (n'inglés), Index Fungorum, CAB International, Centraalbureau voor Schimmelcultures (CBS) y Landcare Research New Zealand Limited (eds.), http://www.indexfungorum.org/Names/NamesRecord.asp?RecordID=307781 
  2. 2,0 2,1 2,2 2,3 Grünert, H.; Grünert, R.; VV.AA. (1984). Guíes de Naturaleza Blume: Cogordes (t. orixinal:"Pilze"). Blume, 54. ISBN 84-87535-11-9.

Enllaces esternos[editar | editar la fonte]



Volvariella bombycina