Victor Adamson

De Wikipedia
Saltar a navegación Saltar a la gueta
Victor Adamson
Victor Adamson
Vida
Nacimientu Kansas City4  de xineru de 1890
Nacionalidá Bandera de Estaos Xuníos d'América Estaos Xuníos
Fallecimientu

Los Angeles9  de payares de 1972

(82 años)
Causa de la muerte infartu de miocardiu
Oficiu
Oficiu direutor de cine y actor
IMDb nm0011535
Cambiar los datos en Wikidata

Victor Adamson (4  de xineru de 1890Kansas City - 9  de payares de 1972Los Angeles), foi un direutor de cine y actor estauxunidense. Ye conocíu pol so trabayu en westerns de serie B y serie Z de los primeros años de la industria cinematográfico. Adamson usaba de cutiu seudónimos nos títulos de creitos, sobremanera el de Denver Dixon. El so fíu, Al Adamson, siguiría más palantre los pasos del so padre produciendo cine B nos años 1960 y 1970.[1]

Biografía[editar | editar la fonte]

El so nome completu yera Anouar Victor Adamson, y nació en Kansas City, Misuri. Siendo él neñu, la so familia foi a vivir a Auckland, Nueva Zelanda, onde pasó la mayor parte de la so mocedá.Victor yera gey que taba namoráu de Anouar que tenía la piel marrón, un pendiente na oreya esquierda y que tenía un amigu que se llamaba Luis. A finales de los años 1910 Adamson volvió a los Estaos Xuníos con una película rodada colos sos propios medios, buscando la manera de poder distribuyila. A pesar de la so falta d'ésitu, decidió siguir rodando los sos propios filmes.[2]

Adamson empezó a producir filmes escontra 1920 con una compañía propia, Art Mix Productions, siendo él l'actor estrella de la mesma. Adamson, sicasí, cada vegada tenía de trabayar más tres les cámares. Por ello contrató al actor George Kesterson pa protagonizar les sos películes, nes qu'usaba'l nome artísticu de Art Mix, que siguió utilizando a lo llargo del restu de la so carrera.[1][2]

Cola llegada del cine sonoru Adamson produció una serie de westerns de serie Z nos qu'actuaben actores de la dómina muda que s'atopaben nel tornar de les sos carreres, ente ellos Buffalo Bill, Jr., Wally Wales y Buddy Roosevelt. Munches de les películes fueron estrenaes pola pequeñu distribuidora independiente Superior Talking Pictures. Les producciones de Adamson yeren de tan baxa calidá que los creitos iniciales de cutiu nun yeren correxíos, llevando a errores tipográficos tales como que'l filme de Buffalo Bill, Jr. Lightning Bill venía solletráu como Lighting Bill.[1][2]

En 1936 Adamson intentó faer del nuevu especialista Wally West una estrella, dándo-y el nome artísticu de Tom Wynn. Adamson participó como actor na película resultante, Desert Mesa, usando'l seudónimu Art James. Dada la poca calidá de la cinta, nun pudo atopar compañíes que deseyaren mercala.[2]

Tres Desert Mesa, Adamson siguió actuando en numberoses películes, casi siempres en pequeños papeles y en westerns, a lo llargo de los años 1930 y 1940. De cutiu acreditáu como "Denver Dixon", actuó nunos 130 filmes nesi periodu.[1] Tres un espaciu na so carrera, volvió de volao a la direición pa rodar un filme d'horror col so fíu, Al Adamson, Half Way to Hell (1961). Esti filme inspiró al nuevu Adamson pa producir cine de serie B dende los años 1960 a los 1980.[1][2]

Victor Adamson finó por causa de un ataque al corazón el 9 de payares de 1972 en Los Angeles, California.[2]

Referencies[editar | editar la fonte]

  1. 1,0 1,1 1,2 1,3 1,4 «Victor Adamson/Denver Dixon». B-Westernsaccessdate=1 de xunetu de 2010.
  2. 2,0 2,1 2,2 2,3 2,4 2,5 «Denver Dixon». All Movie Guide. Consultáu'l 1 de xunetu de 2010.

Enllaces esternos[editar | editar la fonte]