Buddy Roosevelt

De Wikipedia
Saltar a navegación Saltar a la gueta
Buddy Roosevelt
Buddy Roosevelt
Westward Bound lobby card.JPG
Vida
Nacimientu Meeker Traducir25  de xunu de 1898
Nacionalidá Bandera de Estaos Xuníos d'América Estaos Xuníos
Residencia Los Angeles
Fallecimientu

Meeker Traducir6  d'ochobre de 1973

(75 años)
Oficiu
Oficiu actor, cowboy, especialista de cine y actor de cine
Xéneru artísticu wéstern Traducir
Serviciu militar
Cuerpu militar Armada de los Estaos Xuníos
Lluchó en Primer Guerra Mundial
IMDb nm0740480
Cambiar los datos en Wikidata

Buddy Roosevelt (25  de xunu de 1898Meeker Traducir - 6  d'ochobre de 1973Meeker Traducir), foi un actor, cowboy, especialista de cine y actor de cine estauxunidense.

Biografía[editar | editar la fonte]

El so verdaderu nome yera Kenneth tanhope Sanderson, y nació en Meeker, Colorado. Na so mocedá foi atleta y cowboy, y empecipióse na actuación como especialista en 1916, siendo'l so primer trabayu'l que llevó a cabu nel filme Hell's Hinges. Roosevelt siguió a lo llargo de la so carrera en Hollywood compaxinando les xeres d'actor y les d'especialista. Mientres la Primer Guerra Mundial sirvió na Armada de los Estaos Xuníos, afirmándose qu'embarcó nel USS Norfolk, navío fundíu na guerra, anque nun esisten rexistros d'un buque d'esi nome sirviendo mientres la Primer Guerra Mundial.

Tres el final de la guerra volvió a Hollywood, actuando como especialista en filmes tan notables como The Sheik, el clásicu de 1921 protagonizáu por Rodolfo Valentino. El primer papel de Roosevelt como actor llegó na cinta de 1924 Down in Texas. Protagonizaría 37 películes dende 1924 a 1929, la mayoría de les mesmes del xéneru western, y superaría con ésitu la transición al cine sonoru, principalmente gracies a la so habilidá como especialista.

En 1930 actuó con William Haines y Leila Hyams en Way Out West, siguiendo asina cola so participación en westerns, la mayoría de los cualos yeren de serie B. Nos años 1930 trabayó en 66 filmes (en dalgunos yera actor al empar qu'especialista), casi toos westerns, actuando xuntos a intérpretes como Harry Carey, Hoot Gibson, Gloria Stuart, Joel McCrea, Edward G. Robinson, Bette Davis y Humphrey Bogart. En 1939 actuó y foi especialista nel clásicu de Claire Trevor y John Wayne La dilixencia, y a lo llargo de los años 1940 foi actor o especialista en 32 películes, destacando la so participación, xunto a Randolph Scott y Lloyd Bridges, en Abilene Town.

Nos años 1950 fixo pequeños papeles en sesenta y cinco episodios de la serie televisiva de la American Broadcasting Company The Life and Legend of Wyatt Earp.[1]

Dende 1950 a 1962 tamién trabayó en trenta y seis películes y en dos series de TV. Él retiróse en 1963, siendo la so última producción d'importancia la protagonizada por John Wayne y James Stewart The Man Who Shot Liberty Valance. Tres el so retiru volvió a Meeker, onde vivía nel momentu del so fallecimientu, asocedíu'l 6 d'ochobre de 1973, a los setenta y cinco años d'edá. Foi soterráu nel Campusantu Highland de dicha población.

Referencies[editar | editar la fonte]

Enllaces esternos[editar | editar la fonte]