UNIDÁ (coalición)

De Wikipedia
Saltar a navegación Saltar a la gueta
UNIDÁ
Unida logo.svg
Presidente --
Líder {{{líder}}}
Portavoces Germán Abad y Faustino Zapico
Fundación Abril de 2007
Disolución {{{disolución}}}
Sede --
Ideoloxía política Nacionalista asturiana, Socialista y Ecoloxista
Afiliación internacional --
Sitiu web http://www.unida.as/

UNIDÁ foi una colligación ellectoral que participó nes elleiciones autonomiques y de conceyos de 2007 y les del congresu y senáu español de 2008. Nes elleiciones de 2007 formaron la colligación Izquierda Asturiana y Los Verdes-Grupo Verde y Andecha Nacionaliega (partíu formáu por militantes d'Andecha Astur) preséntandose como Unidá.

Nes siguientes elleiciones de 2008, tres la salida de Los Verdes-Grupo Verde, la coalición eleutoral Unidá queda formada por Andecha Nacionaliega y Izquierda Asturiana. Teniendo un alcuerdu de cooperación con Asturianistes por Nava.

Tres les elleiciones de 2008, Unidá va refundase recuperando'l nome del partíu históricu Unidá Nacionalista Asturiana (UNA) y convirtiéndose nuna federación de partíos.

Ideoloxía[editar | editar la fonte]

Esta organización foi de calter nacionalista asturiana, d'esquierda y ecoloxista, pa les eleiciones autonómiques y municipales de mayu de 2007 presentóse como colligación con otru partíu más Los Verdes-Grupu Verde qu'abandonaría la formación meses depués.

Historia[editar | editar la fonte]

Unidá na manifestación del Día de les Lletres Asturianes del 2007.

La colligación constitúiase definitivamente n'abril de 2007. Nel mesmu mes presentarase oficialmente al so candidatu a la Xunta Xeneral, el reconocíu escritor y médicu siquiatra Ignaciu Llope. Asinamesmo, márquense les llinies xenerales del so alcuerdu programáticu, qu'incluyíen la defensa de la llingua, cultura y identidá asturiana; la llucha escontra la crisis económica y llaboral d'Asturies, asina como la corrupción a dellos niveles y los atentaos ecolóxicos de los que responsabiliza a los sucesivos gobiernos de la FSA-PSOE con Vicente Álvarez Areces como presidente y, en xeneral, la implantación d'un nuevu modelu de desendolcu territorial, a partir d'un nuevu Estatutu d'Autonomía y que consideren imprescindible, amás d'un apueste por una opción que dea continuidá a una unidá que creen que'l nacionalismu asturianu d'izquierda necesitaba dende va años.

IAS, intentara enantar el so campu d'aición al xuntase con Izquierda Nacionaliega d'Asturies (INA) y el PCPE, nun bloque nuevu nomáu Bloque de la Izquierda Asturiana (BIA) que nun finó de cuayar polos probetayos resultaos algamaos nes eleiciones que se presentaren y al naguar por xuntase con Izquierda Xunida (IX) una parte del mesmu encabezada por Rafael Palacios qu'a la postre formaría'l Bloque por Asturies.

Dambes organizaciones polítiques (AA y IAS) teníen na so militancia un seutor que puxaba pola xuntanza de les dos organizaciones. Esti puxu internu fizo que nel casu d'IAS s'algamare un alcuerdu eleutoral entrambes organizaciones, y nel casu d'AA hubo un xuiciu per mediu disputándose la tenencia de les sigles, lo que llevó a crear la marca Andecha Nacionaliega' y que xunto con Los Verdes-Grupu Verde, supunxo la coalición UNIDÁ. La coalición constitúiase definitivamente n'abril de 2007. Nel mesmu mes presentarase oficialmente al so candidatu a la Xunta Xeneral, l'escritor y siquiatra Ignacio López. Asinamesmo, márquense les llinies xenerales del so alcuerdu programáticu, qu'incluyíen la defensa de la llingua, cultura ya identidá asturiana; la llucha escontra la crisis económica y llaboral d'Asturies, asina como la corrupción a dellos niveles y los atentaos ecolóxicos de los que responsabilizaba al gobiernu de la dómina (FSA-PSOE) con Vicente Álvarez Areces como presidente y, en xeneral, la implantación d'un nuevu modelu de desendolcu territorial, a partir d'un nuevu Estatutu d'Autonomía y que consideraben imprescindible, amás d'un apueste por una opción que diera continuidá a una unidá que creyíen que'l nacionalismu asturianu d'izquierda necesitaba dende diba años.

La so estaya de mocedá ye UNA Mocedá.

En pasando'l tiempu eleutoral UNIDÁ siguió calteniendo la so actividá tanto nos conceyos como a nivel asturianu, celebrando'l tradicional Día de la nación asturiana, el 8 de setiembre como venia siendo vezu nel nacionalismu asturianu, pero per primer vegada como colligación.

[[Imaxe:Radio sele.jpg|thumb|300px|Entrevista a Lali García (candidata al Congresu) y Chusa Varela (candidata al Senaú) en Radio Sele.] Los resultaos nes eleiciones xenerales de 2008 foron 848 votos [0,12 %] tando perlloñe del diputau.

Trés la so refundación recibe'l nome d'Unidá Nacionalista Asturiana (UNA).

Resultaos Elleutorales[editar | editar la fonte]

Xunta Xeneral del Principáu d'Asturies[editar | editar la fonte]

Añu votos % votos

2007

4.119

0,69%

Congresu de los Diputaos[editar | editar la fonte]

Añu votos % votos

2008

848

0,12%

Senáu d'España[editar | editar la fonte]

Añu Candidatu votos

2008

Ignacio López Fernández

Sonia María Martínez Romero

María Jesús Varela Menéndez

1.204

926

832

Representación institucional[editar | editar la fonte]

Los sos resultaos nes eleiciones municipales y autonómiques de 2007 foron modestos: 4.119 votos (0,69% del total)[1] siendo entá asina los meyores resultaos algamaos nunca por una formación nacionalista asturiana. D'otra miente, nes eleiciones municipales, la coalición, gracies a les sos agrupaciones locales, obtuvo cuatro conceyales: dos en Nava (Asturianistes por Nava), ún en Carreño (Andecha por Carreño) y otru en Piloña (IAS-Asturianistes), onde un pautu de gobiernu otorgó amás a la formación tres conceyalíes y la tenencia d'alcaldía. Estos tamién son los meyores resultaos algamaos nesti ámbitu por una opción política d'esti calter.



Predecesor:
Andecha Nacionaliega
(AN)
Izquierda Asturiana
(IAS)
Coalición eleutoral
UNIDÁ 2007-2008
Socesor:
Unidá Nacionalista Asturiana (UNA)

Ver tamién[editar | editar la fonte]

Notes[editar | editar la fonte]

Enllaces esternos[editar | editar la fonte]