Asturianistes por Nava

Asturianistes por Nava
Fundación	2005
Estáu	España
Ideoloxía política	nacionalismu asturianu
Páxina web	asturianistes.org

Asturianistes por Nava foi un partíu políticu del conceyu asturianu de Nava. La marca Asturianistes provién d'una xebra del Partíu Asturianista en 1999 y vien usándose n'otros conceyos como Piloña (Asturianistes por Piloña), sicasí, nun se rexistró como tala hasta 2005. La so ideoloxía ye de calter asturianista, d'izquierda y ecoloxista. Nes eleiciones a conceyu de 2007 presentáronse como parte de la coalición eleutoral UNIDÁ, que pasaos los comicios constituiríase como federación de partíos col nome d'Unidá Nacionalista Asturiana.

Nes últimes eleiciones municipales el partíu integróse na coalición Bloque por Asturies-UNA (BA-UNA). Asina, la so candidatura adaptó la denominación Asturianistes por Nava: Compromisu por Asturies. El partíu llogró meyorar los sos resultaos de convocatories anteriores llogrando un tercer conceyal. Anguaño forma parte de la federación de partíos Compromisu por Asturies cola marca Asturianistes, formalizada nun congresu añal del partíu en xunu de 2012, al envís d'espardela a otros conceyos d'Asturies.

Representación institucional

	PSOE	PP	APN	FAC	Total
2003	6	5	2	-	13
2007	7	4	2	-	13
2011	5	2	3	3	13

Conceyales d'Asturianistes por Nava:

• Emilio Ballesteros Baños

• Nisen Ángel Díaz Carazo

• María Belen Fernández García

Predecesor: Partíu Asturianista (PAS)

Asturianistes por Nava 2003 - 2012

Socesor: Asturianistes (Compromisu por Asturies)

Enllaces

• www.asturianistes.org Web oficial d'Asturianistes

• Datos: Q13146762