Izquierda Asturiana

De Wikipedia
Saltar a navegación Saltar a la gueta
IZQUIERDA ASTURIANA (IAS)
Fundación 11 de mayu de 1992
Secretariu Xeneral Faustino Zapico Álvarez
Ideoloxía política Izquierda republicana, socialista, verde y soberanista d'Asturies.
Organización de mocedá Mocedá d'Izquierda Asturiana (MIAS)
Miembru de: Asturies Pela Izquierda
Sitiu web http://www.ias.as/
Publicación Alantre

Izquierda Asturiana (IAS) ye un partíu políticu asturianu que se define como izquierda republicana, socialista, verde y soberanista d'Asturies.

Izquierda Asturiana fundóse nel añu 1992 por ex-militantes de la Unidá Nacionalista Asturiana que nun taben d'alcuerdu cola llinia política de la formación. Nel I Alcuentru Nacional, celebráu ente payares de 1994 y xineru de 1995, diéronse los pasos necesarios pala constitución del partíu y aprobáronse les sos bases ideolóxiques. Tovía nun tuvieron representación na Xunta Xeneral del Principáu d'Asturies.

El partíu tien ente los sos oxetivos la defensa del asturianu (dende xunu de 2004 ye miembru del Conceyu Abiertu pola Oficialidá, asina como realizar una política d'izquierda asturiana, ensin influyencies de nengún partíu ayenu a la realidá política asturiana.

Dempués de delles negociaciones, n'abril de 2007, presentó xunto a Los Verdes-Grupu Verde una coalición col nome d'UNIDÁ pa les eleiciones asturianes d'esi añu.

En xunetu del 2012 faise pública la Resolución de la Direición Nacional d'IAS aprobada meses enantes onde se fai una valoración de la participación d'IAS na UNA dende la so fundación en 2008 y se fai anuncia de la recuperación de la so soberanía política, renunciando a la so participación na fundación de Compromisu por Asturies.

Nes eleiciones a conceyu de mayu del 2015 IAS robla un alcuerdu de colaboración con Izquierda Xunida (IX) nos conceyos de Mieres y Morcín, nun cuayando la so presencia dientro de les llistes d'IX nos conceyos de Llangréu, Siero, Colunga, Cabrales y Piloña ente otros porque nun se daben les condiciones nin les garantíes pa faceles viables. Frutu d'estos alcuerdos Faustino Zapico algama l'acta de conceyal nel Conceyu Mieres, onde xestiona les conceyalíes de Participación Ciudadana, d'Educación y de Política Llingüística, amás de coordinar la Estaya de Servicios Servicios a la Ciudadanía (qu'engloba les conceyalíes d'Infancia, de Mocedá, de Cultura, de Deportes, de Memoria Democrática, d'Educación, de Participación Ciudadana, y de Política Llingüística).

IAS tien comu organización de mocedá venceyada, Mocedá d'Izquierda Asturiana (mias>>).

Resultaos eleutorales[editar | editar la fonte]

Nesta seición, preséntense los resultaos d'esta formación política en solitario. Los sos resultaos en coalición puen vese en Bloque de la Izquierda Asturiana y UNIDÁ.

Eleiciones a conceyu[editar | editar la fonte]

Añu Candidatura Conceyu votos % votos Conceyales

2003

Izquierda Asturiana-Verdes

Mieres

344

1,36%

0


Añu Candidatura Conceyu votos % votos Conceyales

2003

2007

Izquierda Asturiana

Piloña

296

429

5,17%

7,92%

0

1

Añu Candidatura votos % votos Conceyales

2007

Unidá por Corvera
(Andecha Corvera-IAS-LV-GV)
138
1,71%
0

Congresu de los Diputaos[editar | editar la fonte]

Les úniques eleiciones a les que se presentó en solitario pal Congresu de los Diputaos fueron les xenerales de 2004.

Añu votos % votos

2004

854

0,12%

Senáu d'España[editar | editar la fonte]

Les úniques eleiciones a les que se presentó en solitario pal Senáu fueron les xenerales de 2004.

Añu Candidatu votos

2004

Ignacio López Fernández

Penélope Miranda Fernández

Xandru Sánchez Hoya

1.904

1.403

1.167



Predecesor:
Unidá Nacionalista Asturiana (UNA)
Partíu políticu
IAS
1992-1999 / 2002-2007 / 2012-anguaño
Socesor:
Bloque de la Izquierda Asturiana
(BIA)
UNIDÁ

Enllaces esternos[editar | editar la fonte]