Tutsi

De Wikipedia
Saltar a: navegación, buscar
Huérfanos en Kigali.

Los tutsi ye unu de los trés pueblos nativos de les naciones del África Central, Ruanda y Burundi. Considérase-yos un pueblu camíticu.

Nel idioma kinyarwanda el términu tutsi ye de númberu indetermináu: el singular ye batutsi (un solu tutsi), ente que'l plural (más d'un tutsi) ye watutsi (ésti ye l'orixe del baille watusi).

Los tutsi son l'últimu pueblu que llegó a asitiase en Ruanda y Burundi. Habitantes nativos yeren los twa (o watwa), un pueblu pigméu. Los hutu (wahutu), un pueblu bantú, llegaron ende y apoderaron a los twa. Más tarde, los tutsi inmigraron y apoderaron tanto a los hutu como a los twa, estableciendo reinos qu'ellos apoderaben. Los tutsis yeren pregueros esto permitió-yos tener ésitu políticamente. Un aspeutu interesante d'estos trés grupos raciales ye la so estatura. Los twa son tradicionalmente baxos, los hutu tienen una estatura media y los tutsi son altos; anque en tiempos modernos l'encruz ente estos grupos ta amenorgando estes diferencies.

Les desigualdaes ente los derechos de los grupos raciales nun yeren tan estremes, pero yeren importantes. Pa los tutsi, los hutu yeren básicamente consideraos como trabayadores. Si un tutsi asesinaba a un hutu, los del llinaxe del hutu podíen matar al tutsi en vengación, pero si un hutu asesinaba a un tutsi, los del llinaxe del tutsi podíen matar al hutu y a otru miembru de la so familia en vengación.

N'años recientes, tanto Ruanda como Burundi fueron, siquier en teoría, naciones democrátiques colos mesmos derechos apautaos pa toos. Sicasí, los tutsi caltuvieron la mayoría del poder (dáu polos belgues que los consideraben una raza cimera), creando una gran rensía per parte de los hutu, que cuando llograron el poder democráticamente, creó un clima de rocea y vengación que llevó al xenocidiu de la población tutsi en 1994, onde más d'un 80% de los tutsis rwandeses fueron esterminaos (alredor de 1.200.000 persones) (llamáu xenéricamente xenocidiu de Ruanda).

Los hutu, los tutsi y los twa falen el mesmu idioma. Dellos estudiosos caltienen que los hutu y los tutsi realmente nun son races o pueblos distintos, sinón distintes castes. Aparentemente fueron los colonizadores belgues quien crearon esta noción de dos races distintes.[1]

Si un tutsi y un hutu tienen descendencia común el descendiente ye xubíu socialmente y consideráu tutsi.

Referencies[editar | editar la fonte]

  1. Péries Gabriel y Servenay David, Una guerra negra: Investigación sobre los orígenes del genocidio ruandés (1959-1994)', 2009, ed. Prometeo, Buenos Aires, ISBN 987574395X, 1a edición.