Hutu

De Wikipedia
El presidente de Burundi Pierre Nkurunziza.

Hutu ye'l nome dau a unu de los trés grupos étnicos qu'ocupen Burundi y Ruanda. Los hutu son con muncho el grupu mayoritariu. El 90% de los ruandeses y el 85% de los burundeses son hutu. Culturalmente tratase d'una división artificial, basada más na clase social que na etnicidad, yá que nun hai diferencies llingüístiques o culturales ente los hutu y los demás grupos étnicos de la zona, principalmente los tutsi. Históricamente, sicasí, había diferencies físiques, principalmente nel altor mediu. Los hutu y los tutsi comparten la mayoría la mesma relixón y llinguaxe (la mayoría son católicos y d'idioma bantú). Dellos estudiosos señalen tamién l'importante papel que tienen los colonizadores belgues en crear la idea d'una raza hutu y una raza tutsi.

Los hutu llegaron a la rexón de los Grandes Llagos d'África alredor del sieglu I dc, moviendo a los twa. Los hutu yeren llabradores y apoderaron la zona con una serie de pequeños reinos hasta'l sieglu XV. Créese que nesa dómina entraron los tutsi na zona dende Etiopía y conquistaron a los hutu. La monarquía tutsi sobrevivió hasta'l fin de la era colonial nos años cincuenta, usando y codificando los gobernantes belgues la división étnica pa sofitar el so dominiu. Tres la cayida de la monarquía tutsi, la zona foi estremada en Ruanda y Burundi en 1962. Los tutsi, sicasí, permanecieron dominantes en Burundi ente que los hutu ganaron un ciertu grau de control en Ruanda.

Un aspeutu interesante d'estos trés grupos raciales ye la so estatura. Los twa son tradicionalmente baxos, los hutu tienen una estatura media y los tutsi son altos; anque en tiempos modernos l'encruz ente estos grupos ta amenorgando estes diferencies.

Los hutu, los tutsi y los twa falen el mesmu idioma. Dellos estudiosos caltienen que los hutu y los tutsi realmente nun son races o pueblos distintos, sinón distintos castes. Aparentemente fueron los colonizadores belgues quien crearon esta noción de dos races distintes.[ensin referencies]

Si un tutsi y un hutu tienen descendencia común el descendiente ye xubíu socialmente y consideráu tutsi.