Torre de Belém

De Wikipedia
Saltar a: navegación, buscar

La torre de Belém o torre de Belén en dellos escritos, ta asitiada na ciudá de Lisboa, que ye la capital de Portugal, fecha por Francisco de Arruda y constitúi un de los exemplos más representativos de l'arquitectura manuelina. Nel pasáu foi un centru de recaldación d'impuestos pa poder entrar na ciudá.

La so construcción foi empecipiada en 1514, sol reináu de Manuel I de Portugal (1495-1521), teniendo como arquitectu a Francisco d'Arruda. Les sos obres quedaron al cargu de Diogo Boitaca, que, na dómina, tamién dirixía les yá adelantraes obres del vecín Cenobiu de los Xerónimos de Belém. Les obres remataron en 1520.

Atópase asitiada na desaguada del ríu Tayo, nel barriu de Santa Maria de Belém d'esta ciudá al suroeste de Lisboa. Xuntu col Cenobiu de los Xerónimos, la Torre de Belém foi declarada  Patrimoniu de la Humanidá pola Unesco en 1983[1]

Carauterístiques[editar | editar la fonte]

El monumentu tien influencies islámiques y orientales, qu'estremen el estilu manuelín y marca'l fin de la tradición medieval de les torres de l'homenaxe, formando un de los primeros baluartes p'artillería en Portugal.

Parte de la so guapura mora na so decoración esterior, afatada con cuerdes esculpíes en piedra, galeríes abiertes, torres de vixilancia n'estilu mozárabe y almenes en forma d'escudos decoraes con esferes armilares, la cruz de la Orde de Cristu y elementos naturalistes, como un rinoceronte, faciendo referencia a los descubrimientos en ultramar. L'interior góticu, alcontráu baxu'l pisu inferior, sirvió como armería y prisión y ye mui austeru.

La so estructura componse de dos elementos principales: la torre y el baluarte. Nos ángulos del pisu inferior de la torre y del baluarte, sobresalen garites cilíndriques coronaes por cúpules con forma de gayos de naranxa, ricamente decoraes en  piedra llabrada.

La torre cuadrangular, de tradición medieval, álzase cincu pisos percima del baluarte, de la forma:

  • Primer pisu - Sala del Gobernador.
  • Segundu pisu - Sala de los Reis, con techu elípticu y chimenea decorada con semiesferas.
  • Tercer pisu - Sala d'Audiencies
  • Cuartu pisu - Capiella
  • Quintu pisu - Terraza de la torre

La nave del baluarte poligonal, ventilada per un claustru pequeñu, tien dieciséis abertures pa cañoneres de tiru rasante. El terremplén, guarníu por almenes, constitúi una segunda llinia de fueu, tando alcontráu nel Santuariu de La Nuesa Señora del Bon Sucesu, patrona del llugar, tamién conocida como la Virgem do Restelo.

Galería[editar | editar la fonte]

Torre Belém April 2009-4a.jpg

Referencies[editar | editar la fonte]

  1. «Monastery of the Hieronymites and Tower of Belém in Lisbon» (inglés). UNESCO Culture Sector. Consultáu'l 11 de marzu de 2015.