Tornéu de Candidatos de 2022

Tornéu de Candidatos de 2022
Xeneral
Tipu de competición	Ciclo de candidatos de la FIDE (es)
Deporte	axedrez
Parte de	Ciclo de candidatos de la FIDE (es)
País	España
Organizador	Federación Internacional d'Axedrez y Federación Española d'Axedrez
Historia
Desapaición	5 de xunetu de 2022
Últimu ganador	Yan Nepómniashchi (es)
Competición
Participantes	8
Tornéu de Candidatos de 2020-21 Tornéu de Candidatos de 2022 Tornéu de Candidatos de 2024

El Tornéu de Candidatos de 2022 foi una competición d'axedrez na que participaron ocho xugadores col envís d'escoyer al aspirante que xugaría'l Campeonatu del Mundu d'axedrez de 2023. El tornéu celebróse nel Palacio de Santoña de Madrid del 16 de xunu al 5 de xunetu de 2022 con un formatu de lliga a dos vueltes.

Los ocho xugadores clasificaos pal tornéu yeren Ian Nepomniachtchi, Teimour Radjabov, Jan-Krzysztof Duda. Alireza Firouzja, Fabiano Caruana. HIkaru Nakamura, Richárd Rapport y Ding Liren. Esti últimu, al ser el xugador con meyor puntuación Elo non clasificáu, sustituyó a Sergey Karjakin, que diba orixinalmente a participar pero fue descalificáu por incumplir el códigu éticu de la FIDE a raíz d'unes declaraciones públiques aprobando la invasión rusa d'Ucraína de febreru de 2022.

Nepomniachtchi ganó'l tornéu ensin derrota dala, con una ronda de ventaya y cola mayor puntuación de tolos Torneos de Candidatos dende que s'entamara con esti sistema en 2013. Amás, la victoria supunxo el so segundu Tornéu de Candidatos consecutivu, dalgo que ficieren antes otros cuatro xugadores: Vasily Smyslov, Boris Spassky, Victor Korchnoi y Anatoly Karpov.

Como ganador del tornéu, Nepomniachtchi ganó tamién el drechu a enfrentase a Magnus Carlsen nel Campeonatu del Mundu de 2023 pero acabante la competición, Carlsen arrenunció a defender el so títulu mundial poro esti va decidise ente Nepomniachtchi y Ding, que tres ganar a Nakamura na cabera ronda adelantólu na calsificación y terminó segundu del Tornéu de Candidatos de 2022.

Participantes

Les víes de clasificación pal torneú yeren varies:

- Ian Nepomniachtchi taba clasificáu como finalista del Campeonatu del Mundu de 2021.

- Teimour Radjabov tenía un convite de la FIDE porque tando clasificáu pal Tornéu de Candidatos anterior, pidió un aplazamientu d'esti pol andanciu de la COVID-19, refugando participar cuando se-y negó. Cuando una selmana dempués d'entamar, la FIDE decide aplazar la mitá de les partíes que taben pendientes a la vista de les restricciones qu'impuso Rusia (país nel que se taba xugando), Radjabov pidió entrar al tornéu cuando se retomara. La FIDE tamién refugó esa posibilidá pero ufrió-y una entrada direuta nel Tornéu de Candidatos de 2022.

- D'ente los cuatro semifinalistes de la Copa del Mundu d'axedrez de 2021, diben clasificase los dos meyores clasificaos sacante Carlsen, Nepomniachtchi y Radjabov. Nel casu de que los tres algamaren les semifinales de la Copa del Mundu, taba previsto que la plaza que quedaba llibre se sumase a les dos del Gran Premiu de la FIDE.

- Los dos meyores clasificaos del Tornéu Gran Suizu de la FIDE de 2021 sacante los xugadores que yá tuvieren el pase.

- Los dos primeros clasificaos del Gran Premiu de la FIDE de 2022. Si dalgún de los ya clasificaos pal Tornéu de Candidatos de 2022 quería participar nel Gran Premiu de la FIDE, tenía primero qu'arrenunciar a la so plaza, poro nengún de los xugadores que yá teníen el pase participó nesti tornéu.

Tres de la invasión rusa d'Ucraína, Sergey Karjakin (que taba clasificáu pal tornéu pela vía de la Copa del Mundu) fizo numberoses declaraciones públiques sofitándola y tando d'alcuerdu colos argumentos del gobiernu rusu. La Comisión Disciplinaria y d'Ética de la FIDE consideró en marzu de 2022 qu'esto diba escontra'l Códigu Éticu de la FIDE y sancionó a Karjakin a nun participar en tornéu nengún por seis meses, incluyendo'l Tornéu de Candidatos de 2022.

Nel plazu de 21 díes pa retrucar la decisión, Kardjakin decidió nun facelo pero la Federación Rusa d'Axedrez fízolo por él. El Tribunal d'Apelación de la FIDE caltuvo la decisión el 6 de mayu de 2022 y, anque entá había opción de retrucar énte'l Tribunal d'Arbitraxe nel Deporte, nenguna solicitú se fizo enantes del entamu del Tornéu de Candidatos.

Asina, les normes recoyíen que les sustituciones fadríense pol xugador non clasificáu cola puntuación Elo más alta nel llistáu de mayu de 2022 y qu'ente xunu de 2021 y mayu de 2022 xugara 30 partíes puntuaes oficialmente.

Na llista d'abril de 2022 esi xugador meyor clasificáu yera Ding Liren, con un Elo de 2799, pero nun cumplía la condición de tener xugaes les 30 partíes por culpa de les restricciones pa salir de China pol andanciu de la COVID-19. Ding necesitaba xugar 26 partíes puntuaes pola FIDE ente los meses de marzu y abril, pa que tuvieren incorporaes en mayu, pero amás tenía que caltener el so nivel porque había dellos xugadores como Shakhruyar Mamedyarov o Levon Aronian que podíen adelantalu na clasificación. Poro la Federación China d'Axedrez entamó rápidamente tres competiciones puntuables que-y permitieron a Ding cumplir cole partíes que se pidíen, y gracies al so bon xuegu subió incluso fasta'l númberu #2 nel llistáu FIDE.

Forma de clasificación	Xugador	Edá	Elo	Puestu mundial
		(xunu 2022)
Finalista del Campeonatu del Mundu d'axedrez de 2021	Ian Nepomniachtchi	31	2766	7
Convite de la FIDE	Teimour Radjabov	35	2753	13
Dos meyores clasificaos de la Copa del Mundu d'axedrez de 2021	Jan-Krzysztof Duda (campeón)	24	2750	16
	Sergey Karjakin (finalista)	32	2747	17
Dos meyores clasificaos del Tornéu Gran Suizu de la FIDE de 2021.	Alireza Firouzja (campeón)	19	2793	3
	Fabiano Caruana (2ᵘ clasificáu)	29	2783	4
Dos meyores clasificaos del Gran Premiu de la FIDE de 2022.	Hikaru Nakamura (ganador)	34	2760	11
	Richárd Rapport (2ᵘ clasificáu)	26	2764	8
Meyor posición na clasificación en mayu de 2022.	Ding Liren	29	2806	2

Organización

Nel tornéu participaron ocho xugadores con un sistema de lliga a doble vuelta, lo que facíen un total de 14 rondes nes que cada axedrecista enfrentábase al restu dos vegaes, una xugando con pieces blanques y otra con pieces negres.

Pa evitar amaños, ta establecío que los xugadores de la mesma federación nacional tienen d'enfrentase ente ellos na primer ronda (o primeres rondes) de cada vuelta. Nel casu del tornéu de 2022, esto afeutaba a Fabiano Caruana y Hikaru Nakamura, dambos estaoxunidenses y que xugaron ún escontra l'otru nes rondes 1 y 8.

El ganador del tornéu ganaba'l drechu de xugar escontra Magnus Carlsen pol Campeonatu del Mundu de 2023. L'arrenunciu de Carlsen, fechu oficial y por escrito n'ochobre de 2022, significaba la so perda del títulu de campeón del mundu que diben entós a disputase los dos primeros clasificaos del Tornéu de Candidatos.

Normes

El tiempu de control foi de 120 minutos pa los primeros 40 movimientos, 60 minutos pa los 20 movimientos darréu y 15 minutos pal restu la partida, más 30 segundos a sumar por movimientu a partir del movimientu númberu 61.

De cara a la clasificación, la victoria contaba como 1 puntu, les tables como ½ puntu y la derrota como 0 puntos.

Anque nun ficieron falta, había establecíes unes normes de desempate nel primer puestu que yeren un anovamientu frente a los Torneos de Candidatos ente 2013 y 2021, nos que s'usaben los resultaos del propiu tornéu pa desempatar. Por contra, nesti casu los criterios yeren:

- Si empataben dos xugadores; dos partíes a ritmu rápidu, de 15 minutos más 10 segundos por movimientu. Si empataben de trés a seis xugadores; lliga a una vuelta. Si empataben siete o los ocho xugadores; lliga a una vuelta con partíes a ritmu rápidu, de 10 minutos más 5 segundos por movimientu.

- Si dempués de lo anterior entá hubiera empate de dos xugadores nel primer puestu, xugaríense dos partíes rellámpagu de 3 minutos más 2 segundos por movimientu. Nel casu de que l'empate fuera ente más de dos xugadores, xugaríase otra lliga a una vuelta.

- Si dempués de lo anterior se caltuviera dalgún empate nel primer puestu, los xugadores empataos xuagaríen un tornéu d'eliminatories de partíes rellámpagu, ganando caún de los enfrentamientos el primer xugador en ganar una partida.

Nel casu d'empate de dos o más xugadores en puestos distintos al primeru, les normes de desempate yeren: (1) Puntos Sonneborn-Berger (SB), (2) númberu de victories, (3) puntos nes partíes ente los xugadores empataos, (4) rifa.

Los premios en metálico pal primer, segundu y tercer puestu fueron respeutivamente de 48.000€, 36.000€ y 24.000€. Amás tolos xugadores ganaron 3.500€ por cada mediu puntu, siendo el total de premios del tornéu de 500.000€.

Desendolcu del tornéu

Clasificación

Pos.	Xugador	Ptos.	SB	Victories		Rivales																	Ronda
						IN		DL		TR		HN		FC		AF		JKD		RR			1	2	3	4	5	6	7	8	9	10	11	12	13	14
1	Ian Nepomniachtchi	9,5	62	5				½	1	½	½	½	½	½	½	1	1	1	½	½	1		+1	+1	+1	+2	+2	+3	+4	+4	+4	+4	+5	+5	+5	+5
2	Ding Liren	8	52	4		0	½			0	½	1	½	½	1	½	½	1	½	½	1		–1	–1	–1	–1	–1	–1	–1	–1	=	+1	+2	+1	+1	+2
3	Teimour Radjabov	7,5	52	3		½	½	½	1			1	0	½	0	½	½	½	½	½	1		=	–1	–1	–1	–1	–1	–2	–2	–1	–1	–1	=	=	+1
4	Hikaru Nakamura	7,5	50,25	4		½	½	½	0	1	0			1	0	1	½	1	½	½	½		–1	=	=	=	=	=	=	+1	=	+1	+1	+1	+2	+1
5	Fabiano Caruana	6,5	46,5	3		½	½	0	½	1	½	1	0			0	1	½	0	½	½		+1	+1	+1	+1	+1	+2	+3	+2	+2	+1	=	=	=	–1
6	Alirezja Firouzja	6	39,5	2		0	0	½	½	½	½	½	0	0	1			½	½	1	½		=	=	=	–1	–1	–2	–2	–2	–1	–2	–3	–3	–3	–2
7	Jan-Krzysztof Duda	5,5	38,5	1		½	0	½	0	½	½	½	0	1	½	½	½			½	0		=	=	=	=	=	–1	–1	–2	–3	–2	–2	–2	–3	–3
8	Richárd Rapport	5,5	37,75	1		0	½	0	½	0	½	½	½	½	½	½	0	1	½				=	=	=	=	=	=	–1	=	–1	–2	–2	–2	–2	–3

Na parte de la drecha de la tabla rexístrase la diferencia acumulada ente'l númberu de victories y derrotes de cada xugador dempués de cada ronda. Los fondos verdes marquen el xugador o los xugadores cola puntuación mayor tres de cada ronda y los colloraos el xugador o los xugadores que dempués de cada ronda yá nun pueden algamar a ganar el tornéu (tando marcaos con un colloráu entá más fuerte los que tampoco pueden algamar el segundu puestu).

Resultaos por partía

Ptos.	Blanques	Resultáu	Prietes	Ptos.	Apertura
Ronda 1 (17 xunu 2022)
	Jan-Krzysztof Duda	½–½	Richárd Rapport		B44 Defensa siciliana, variante Taimanov
	Ding Liren	0–1	Ian Nepomniachtchi		A20 Apertura inglesa, siciliana invertida
	Fabiano Caruana	1–0	Hikaru Nakamura		C65 Apertura Ruy López, defensa Berlín
	Teimour Radjabov	½–½	Alireza Firouzja		D37 Gambitu de dama refugáu, variante Viena
Ronda 2 (18 xunu 2022)
½	Richárd Rapport	½–½	Alireza Firouzja	½	B53 Defensa siciliana, variante Chekhover
0	Hikaru Nakamura	1–0	Teimour Radjabov	½	C65 Apertura Ruy López, defensa Berlín
1	Ian Nepomniachtchi	½–½	Fabiano Caruana	1	C50 Giuoco Pianissimo
½	Jan-Krzysztof Duda	½–½	Ding Liren	0	C53 Giuoco Pianissimo
Ronda 3 (19 xunu 2022)
½	Ding Liren	½–½	Richárd Rapport	1	D86 Defensa Grünfeld, variante Simagin
1 ½	Fabiano Caruana	½–½	Jan-Krzysztof Duda	1	B90 Defensa siciliana, variante Najdorf
½	Teimour Radjabov	½–½	Ian Nepomniachtchi	1 ½	E04 Apertura catalana
1	Alireza Firouzja	½–½	Hikaru Nakamura	1	E32 Defensa Nimzo-India, variante clásica
Ronda 4 (21 xunu 2022)
1 ½	Richárd Rapport	½–½	Hikaru Nakamura	1 ½	C65 Apertura Ruy López, defensa Berlín
2	Ian Nepomniachtchi	1–0	Alireza Firouzja	1 ½	B90 Defensa siciliana, variante Najdorf
1 ½	Jan-Krzysztof Duda	½–½	Teimour Radjabov	1	C65 Apertura Ruy López, defensa Berlín
1	Ding Liren	½–½	Fabiano Caruana	2	D38 Gambitu de dama refugáu, variante Ragozin
Ronda 5 (22 xunu 2022)
2 ½	Fabiano Caruana	½–½	Richárd Rapport	2	B46 Defensa siciliana, variante Taimanov
1 ½	Teimour Radjabov	½–½	Ding Liren	1 ½	E00 Apertura catalana
1 ½	Alireza Firouzja	½–½	Jan-Krzysztof Duda	2	C42 Defensa Petrov
2	Hikaru Nakamura	½–½	Ian Nepomniachtchi	3	C42 Defensa Petrov
Round 6 (23 xunu 2022)
2	Teimour Radjabov	½–½	Richárd Rapport	2 ½	B46 Defensa siciliana, variante Taimanov
2	Alireza Firouzja	0–1	Fabiano Caruana	3	E06 Apertura catalana
2 ½	Hikaru Nakamura	½–½	Ding Liren	2	С53 Giuoco Pianissimo
3 ½	Ian Nepomniachtchi	1–0	Jan-Krzysztof Duda	2 ½	A07 Apertura Reti, ataque indiu de rei
Ronda 7 (25 xunu 2022)
3	Richárd Rapport	0–1	Ian Nepomniachtchi	4 ½	C42 Defensa Petrov
2 ½	Jan-Krzysztof Duda	½–½	Hikaru Nakamura	3	E47 Defensa Nimzo-India
2 ½	Ding Liren	½–½	Alireza Firouzja	2	A2o Apertura inglesa
4	Fabiano Caruana	1–0	Teimour Radjabov	2 ½	B32 Defensa siciliana, variante O'Kelly
Ronda 8 (26 xunu 2022)
3	Richárd Rapport	1–0	Jan-Krzysztof Duda	3	C47 Apertura de los cuatro caballos
5 ½	Ian Nepomniachtchi	½–½	Ding Liren	3	C47 Apertura de los cuatro caballos, variante escocesa
3 ½	Hikaru Nakamura	1–0	Fabiano Caruana	5	C82 Apertura Ruy López, defensa Morphy
2 ½	Alireza Firouzja	½–½	Teimour Radjabov	2 ½	C50 Giuoco Pianissimo
Ronda 9 (27 xunu 2022)
3	Alireza Firouzja	1–0	Richárd Rapport	4	C65 Apertura Ruy López, variante Berlín
3	Teimour Radjabov	1–0	Hikaru Nakamura	4 ½	C65 Apertura Ruy López, variante Berlín
5	Fabiano Caruana	½–½	Ian Nepomniachtchi	6	C42 Defensa Petrov
3 ½	Ding Liren	1–0	Jan-Krzysztof Duda	3	A13 Apertura inglesa, variante neocatalana
Ronda 10 (29 xunu 2022)
4	Richárd Rapport	0–1	Ding Liren	4 ½	C77 Apertura Ruy López, defensa Morphy, variante Anderssen
3	Jan-Krzysztof Duda	1–0	Fabiano Caruana	5 ½	C53 Giuoco Pianissimo
6 ½	Ian Nepomniachtchi	½–½	Teimour Radjabov	4	E06 Apertura catalana
4 ½	Hikaru Nakamura	1–0	Alireza Firouzja	4	B90 Defensa siciliana, variante Najdorf
Ronda 11 (30 xunu 2022)
5 ½	Hikaru Nakamura	½–½	Richárd Rapport	4	B33 Defensa siciliana, variante Sveshnikov
4	Alireza Firouzja	0–1	Ian Nepomniachtchi	7	C42 Defensa Petrov
4 ½	Teimour Radjabov	½–½	Jan-Krzysztof Duda	4	A13 Apertura inglesa
5 ½	Fabiano Caruana	0–1	Ding Liren	5 ½	C88 Apertura Ruy López, defensa Morphy, variante anti Marshall
Ronda 12 (1 xunetu 2022)
4 ½	Richárd Rapport	½–½	Fabiano Caruana	5 ½	C65 Apertura Ruy López, variante Berlín
6 ½	Ding Liren	0–1	Teimour Radjabov	5	E48 Defensa Nimzo-India
4 ½	Jan-Krzysztof Duda	½–½	Alireza Firouzja	4	D45 Defensa semieslava
8	Ian Nepomniachtchi	½–½	Hikaru Nakamura	6	C67 Apertura Ruy López, variante Berlín
Ronda 13 (3 xunetu 2022)
8 ½	Ian Nepomniachtchi	½–½	Richárd Rapport	5	B67 Defensa siciliana
6 ½	Hikaru Nakamura	1–0	Jan-Krzysztof Duda	5	B90 Defensa siciliana, vairante Najdorf
4 ½	Alireza Firouzja	½–½	Ding Liren	6 ½	C47 Apertura de los cuatro caballos
6	Teimour Radjabov	½–½	Fabiano Caruana	6	E04 Apertura catalana
Ronda 14 (4 xunetu 2022)
5 ½	Richárd Rapport	0–1	Teimour Radjabov	6 ½	C65 Apertura Ruy López, variante Berlín
6 ½	Fabiano Caruana	0–1	Alireza Firouzja	5	C65 Apertura Ruy López, variante Berlín
7	Ding Liren	1–0	Hikaru Nakamura	7 ½	D40 Defensa semi-Tarrasch, variante simétrica
5	Jan-Krzysztof Duda	½–½	Ian Nepomniachtchi	9	C43 Defensa Petrov

Notes

• Datos: Q106970632