Gran Premiu de la FIDE de 2022

De Wikipedia
Gran Premiu de la FIDE de 2022
Xeneral
Tipu de competición Grand Prix de la FIDE (es) Traducir
Deporte axedrez
Organizador Federación Internacional d'Axedrez
Competición
Web oficial
Cambiar los datos en Wikidata

El Gran Premiu de la FIDE de 2022 foi un circuitu de trés torneos d'axedrez que se celebraron ente'l 4 de febreru y el 4 d'abril de 2022. Los dos primeros clasificaos —Hikaru Nakamura (campeón) y Richárd Rapport (segundu puestu)— clasificarónse pal Tornéu de Candidatos de 2022, la competición na que se decide l'aspirante al Campeonatu del Mundu d'axedrez.

El primer y el caberu tornéu xugáronse en Berlín (Alemaña), mientres que la sede del segundu foi la ciudá de Belgráu (Serbia). Caún de los xugadores taba incscritu en dos de los tres torneos, ganando puntos pa la clasificación final en función del so puestu en caún d'ellos. Antes de que la fase de desempate del últimu tornéu terminara, Nakamura yá algamara puntos suficientes pa ganar el Gran Premiu, y amás tamién taba claro que nengún otru semifinalista podía algamar el segundu puestu de Rapport.

Organización[editar | editar la fonte]

Daes les llimitaciones de viaxe que supunxo l'andanciu de la COVID-19 de mano pensóse en facer los trés torneos na mesma ciudá y non en varies como nes ediciones anteriores.

El circuitu taba organizáu pola empresa World Chess Limited, qu'escoyó la ciudá de Berlín al traviés d'una votación popular. Más tarde anunciaríen que dos de los trés torneos diben ser en Berlín y ún en Belgráu.

Xugadores[editar | editar la fonte]

Al aniciu fueron venticuatro los xugadores convidaos al Gran Premiu:

- Los clasificaos del 3ᵘ al 8ᵘ na Copa del Mundu de 2021 sacante'l campeón del mundu o los que yá tuvieren plaza nel Tornéu de Candidatos de 2022. Clasificáronse asina cinco de los seis xugadores posibles, porque'l campeón del mundu Magnus Carlsen resultara terceru naquella competición.

- Los clasificaos del 3ᵘ al 8ᵘ puestu nel Tornéu Gran Suizu de la FIDE de 2021 que nun fueran el campeón del mundu y qu'entá nun tuvieren plaza nel Tornéu de Candidatos o nel Gran Premiu.

- Hikaru Nakamura, convidáu pol presidente de la FIDE.

- Daniil Dubov, convidáu pola organización.

- Les otres ocho places llenáronse colos xugadores cola puntuación Elo más alta nel llistáu FIDE d'avientu de 2021 y que xugaren la Copa del Mundu de la FIDE 2021 o polo menos nueve partíes puntuables ente febreru y avientu de 2021. Asina, Viswanathan Anand, Wnag Hao y Veselin Topalov nun yeren escoyibles pola so inactividá. Orixinalmente fuese fasta'l puestu númberu 23 de la llista, pero'l postreru arrenunciu de Wei Yi fizo que'l númberu 25 mundial Pentala Harikrishna tamién se clasificara d'esti mou.

Ding Liren y Dmitry Andreikin nun pudieron competir nel primer tornéu del circuitu por temes de salú y problemes col visáu respeutivamente, y fueron sustituyíos por Andrey Esipenko y Radosław Wojtaszek. Ding tampoco pudo xugar nel segundu tornéu, y Andreikin sustituyólu nél, esti nunu pudo participar nel tercer tornéu por razones personales y foi sustituyíu por Espinenko.

Orden Nome Vía de clasificación Elo
(avientu 2021)
Puestu mundial
(avientu 2021)
1 Bandera de la República Popular China Ding Liren Llistáu FIDE (3rd) 2799 3
2 Bandera de Estaos Xuníos d'América Levon Aronian Llistáu FIDE (6ᵘ) 2772 6
3 Bandera de Países Baxos Anish Giri Llistáu FIDE (7ᵘ) 2772 7
4 Bandera de Estaos Xuníos d'América Wesley So Llistáu FIDE (8ᵘ) 2772 8
5 Bandera d'Azerbaixán Shakhriyar Mamedyarov Llistáu FIDE (9ᵘ) 2767 9
6 Bandera de Rusia Alexander Grischuk Llistáu FIDE (10ᵘ) 2764 10
7 Bandera d'Hungría Richárd Rapport Llistáu FIDE (11ᵘ) 2763 11
8 Bandera de Francia Maxime Vachier-Lagrave Gran Suizu (6ᵘ) 2761 12
9 Bandera de Estaos Xuníos d'América Leinier Domínguez Llistáu FIDE (15ᵘ) 2752 15
10 Bandera de Estaos Xuníos d'América Hikaru Nakamura Convidáu pol presidente de la FIDE 2736
11 Bandera de Rusia Nikita Vitiugov Llistáu FIDE (19ᵘ) 2731 19
12 Bandera de India Vidit Gujrathi Copa del Mundu (5ᵘ-8ᵘ) 2727 22
13 Bandera de Rusia Dmitry Andreikin Llistáu FIDE (23ᵘ) 2724 23
14 Bandera de Rusia Daniil Dubov Convidáu pola organización 2720 24
15 Bandera de India Pentala Harikrishna Llistáu FIDE (25ᵘ) 2717 25
Bandera de Rusia Andrey Esipenko Convidáu pol presidente de la FIDE[N. 1] 2714 26
16 Bandera de la República Popular China Yu Yangyi Gran Suizu (4ᵘ) 2713 27
17 Bandera de Estaos Xuníos d'América Sam Shankland Copa del Mundu (5ᵘ-8ᵘ) 2708 29
18 Alexei Shirov Gran Suizu (8ᵘ) 2704 31
19 Bandera de Rusia Vladimir Fedoseev Copa del Mundu (4ᵘ) 2704 32
Bandera de Polonia Radosław Wojtaszek Convidáu pol presidente de la FIDE[N. 2] 2686 45
20 Bandera de Rusia Alexandr Predke Gran Suizu (7ᵘ) 2682 52
21 Bandera de Rusia Grigoriy Oparin Gran Suizu (3ᵘ) 2681 55
22 Bandera d'Alemaña Vincent Keymer Gran Suizu (5ᵘ) 2664 74
23 Bandera de Irán Amin Tabatabaei Copa del Mundu (5ᵘ-8ᵘ) 2643 108
24 Bandera de Francia Étienne Bacrot Copa del Mundu (5ᵘ-8ᵘ) 2642 111

Formatu[editar | editar la fonte]

Caún de los xugadores participaba en dos de los trés torneos, lo que facía 16 participantes por tornéu, xugaos con un formatu de dos fases.

- Na primer fase, los xugadores dividíense en cuatro grupos de cuatro, xugándose en caún de los grupos una lliga a doble vuelta. Los cuatro ganadores de grupu pasaben a la segunda fase.

- Na segunda fase, los cuatro clasificaos xugaben en formatu eliminatoria les semifinales y la final. Dambes rondes consistíen en dos partíes de ritmu clásicu más desempate, si ficiera falta.

Los xugadores recibíen puntos pal Gran Premiu en función de la so posición final en cada tornéu, clasficándose pal Tornéu de Candidatos de 2022 los dos participantes cola mayor puntuación final.

Control de tiempu y desempates[editar | editar la fonte]

El control de tiempu pal ritmu clásicu ye de 90 minutos pa 40 movimientos más un añadíu de 30 minutos dempués del movimientu 40, con un incrementu de 30 segundos por movimientu dende'l primeru.

Los desempates de dambes fases (tanto la de grupos como la d'eliminatories) teníen el formatu darréu:

- Dos partíes o una lliga a una vuelta, dependiendo si l'empate yera ente dos o trés xugadores, con un ritmu rápidu de 15 minutos más 10 segundos por movimientu.

- Si l'empate se caltenía, dos partíes o una lluga a una vuelta, dependiendo si l'empate yera ente dos o trés xugadores, con un ritmu rellámpagu de 3 minutos más 2 segundos por movimientu.

- Si dempués de lo anterior tovía había xugadores empataos, una partida de muerte repentina: el xugador de blanques tien 5 minutos y el de prietes 4, pero gana en casu de tables; dambos sumen dos segundos por movimientu dende'l númberu 61. Nel casu de triple empate, rífase los dos que xueguen la primer partía y el xugador apartáu comparte segundu puestu col perdedor de la partida de muerte repentina.

Nel casu de cuádruple empate, los xugadores dividiríense en pareyes al debalu y caúna xugaría un desempate según lo anterior, repitiéndose'l procesu colos dos ganadores y compartiendo tercer y cuartu puestu del grupu los perdedores.

Puntos de Gran Premiu y premios[editar | editar la fonte]

Ronda Puntos de
Gran Premiu
Premiu
Campeón 13 24.000 €
Finalista 10 18.000 €
Semifinalista 7 12.000 €
2ᵘ de grupu 4 9.000 €
3ᵘ de grupu 2 7.000 €
4ᵘ de grupu 0 5.000 €

Los xugadores que comparten puestu, comparten tamién los puntos de Gran Premiu de los puestos compartíos.

En casu d'empate na clasificación final del Gran Premiu, los criterios pa desempatar yeren:

- Númberu de torneos como campeón.

- Númberu de torneos como finalista.

- Númberu de puntos nes partíes con tiempu llímite normal.

- Númberu de victories nes partíes con tiempu llímite normal.

- Rifa.

Notes[editar | editar la fonte]

  1. Sustitutu de Dmitry Andreikin nel primer y tercer torneos del circuitu.
  2. Sustitutu de Ding Liren nel primer tornéu del circuitu.

Referencies[editar | editar la fonte]

Enllaces esternos[editar | editar la fonte]