Tina Pérez
Tina Pérez | |
|---|---|
| Vida | |
| Nacimientu | Santa Cruz, 1929 |
| Nacionalidá |
 España |
| Muerte | 14 d'ochobre de 1965 (35/36 años) |
| Estudios | |
| Llingües falaes | castellanu |
| Oficiu | |
| Oficiu | activista |
| Astronauta | |
 | |
Constantina Pérez Martínez (1929, Santa Cruz – 14 d'ochobre de 1965), conocida como Tina Pérez, foi una militante comunista asturiana. Llevó a cabu llabores decisives na Huelgona de 1962 al pie de les sos compañeres Anita Sirgo y Celestina Marrón.[1]
Biografía
[editar | editar la fonte]Tina Pérez nació nel senu d'una familia con una enraigonada conciencia política. El so padre foi fusiláu mientres la Guerra civil y la so madre fuera detenida y encarcelada. Por esto, ella y los sos seis hermanos tuvieron que ser recoyíos por una tía. Políticamente activa dende la so mocedá, a los dieciséis años foi tosquilada per primer vegada pola policía al negase, xunto a la so amiga Amor Gutiérrez, a fregar los llocales de la Falanxe.[2]
En 1946 casó con Víctor Bayón, tamién un militante bien activu, y tuvieron en 1947 a la so fía, Blanca. En 1955 treslladóse a vivir a La Ḥuécara, una aldea de la parroquia llangreana de Sama, onde Bayón empezó a trabayar nel pozu Fondón y conoció al home d'Anita Sirgo, Alfonso Braña.[2]
Cuando empezaron les fuelgues mineres de 1962, Tina Pérez tomó al pie d'Anita Sirgo y otres compañeres un papel bien activu y decisivu para el desenllaz de la fuelga. Por causa de ello, dambes fueron deteníes y interrogaes pola Guardia Civil, qu'amás-yos solmenó palices y tosquilóla como forma d'humildación.[2] El so home viose obligáu a fuxir al exiliu en Francia tres la so participación n'otra fuelga en 1964 y el 20 de marzu de 1965 Tina Pérez y la so fía fueron deteníes de nuevu. Blanca foi lliberada darréu por cuenta de la so edá. Sicasí, Tina Pérez nun salió hasta'l 3 de mayu cola so salú gravemente deteriorada polos golpes recibíos en prisión. Finó'l 14 d'ochobre de 1965.[2][3] El so entierru foi multitudinariu y foi consideráu como una manifestación, non yá de duelu, sinón tamién de la xunión y hermandá presentes nes lluches mineres.[4]
Homenaxes y apaiciones na cultura popular
[editar | editar la fonte]- Tina Pérez y la so compañera Anita Sirgo tienen una cai dedicada en Xixón, nel barriu de La Camocha.[5]
- El pintor Eduardo Arroyo recordó a Tina Pérez n'olios y litografíes a partir de 1968. Carlos Álvarez Cruz dedicó-y un poema tamién a Tina Pérez.[2]
- La directora asturiana Amanda Castro recordó nel so curtiumetraxe A golpe de tacón a Tina Pérez y a la so compañera , Anita Sirgo.[2][6]
- Apaez como personaxe nel cómic Los llazos coloraos d'Alberto Vázquez García.[3]
Referencies
[editar | editar la fonte]- ↑ Nodo50 (2024-11-19). «Las mujeres que pararon dos meses a Franco» (castellanu). Nodo50. Consultáu'l 2024-11-19.
- 1 2 3 4 5 6 BURGOS, Ernesto (2017-06-27). «El retrato de Tina, rapada por la Policía» (castellanu). La Nueva España. Consultáu'l 2024-11-19.
- 1 2 VILLACORTA, AZAHARA (2019-05-09). «Y Anita Sirgo se hizo cómic» (castellanu). El Comercio: Diario de Asturias. Consultáu'l 2024-11-19.
- ↑ Gómez Ojea, Carmen (2010) Mujeres en el callejero de Gijón, Gijón, Ayuntamiento de Gijón.
- ↑ «Calle Constantina Pérez y Anita Sirgo - Callejero de Gijón - Callejero.net» (castellanu). gijon.callejero.net. Consultáu'l 2024-11-19.
- ↑ «Calle Constantina Pérez y Anita Sirgo - Callejero de Gijón - Callejero.net» (castellanu). gijon.callejero.net. Consultáu'l 2024-11-19.
Enllaces esternos
[editar | editar la fonte]| Control d'autoridaes |
|
|---|
Datos: Q65163179