Celestina Marrón
Celestina Marrón![]() | |
---|---|
Vida | |
Nacimientu | Llangréu, 29 de xunu de 1926 |
Nacionalidá |
![]() |
Muerte | Xixón, 9 d'agostu de 2016 (90 años) |
Estudios | |
Llingües falaes | castellanu |
Oficiu | sindicalista |
Premios | |
Miembru de | Comisiones Obreres |
Creencies | |
Relixón | ateísmu |
Partíu políticu | Partíu Comunista d'España |
![]() |
Celestina Marrón Llaneza (29 de xunu de 1926, Llangréu – 9 d'agostu de 2016, Xixón) foi una militante comunista asturiana. Al pie de compañeres como Anita Sirgo y Tina Pérez, una llabor decisiva na Huelgona de 1962.
Biografía
[editar | editar la fonte]Celestina Marrón nació'l 29 de xunu de 1926 en Lada (Llangréu). La so familia sufrió los efectos de la represión franquista y tuvo qu'empezar a trabayar yá dende neña. El so padre y hermanu fueron fusilaos tres la Guerra civil española en Pando, y los falanxistes tamién quemaron la so casa cuando Marrón tenía con 10 años d'edá.[1]
En 1946 casó y frutu d'esi matrimoniu tuvo dos fíos, de los que quedó a cargu tres el so divorciu siete años dempués.[2] Ocupóse entós de too tipu de trabayos para poder salir alantre. Amás, tuvo un papel destacáu nos entamos na clandestinidá de Comisiones Obreres, onde a lo llargo de la so vida ocuparía diversos cargos. La so casa sirvió d'abellugu a dirixentes históricos del Partíu Comunista como Horacio Fernández Inguanzo o Ángel León Camblor.
En 1962, mientres la Fuelga minera d'Asturies, llevó a cabu xeres pal ésitu de la fuelga al pie de compañeres como Anita Sirgo, Tina Pérez o otres muyeres de les Cuenques Mineres, dende llanzar maíz a los esquiroles hasta entamar a les muyeres y espublizar propaganda clandestina del Partíu Comunista. Per otra parte, tamién exerció la so llabor política como corresponsal para Radio España Independiente col pseudónimu d'"Amapola asturiana de pura cepa".[1]
En 1966 empezó a trabayar nos comedores del pozu Candín, hasta la so xubilación en 1991. Dempués de xubilada, siguió militando en Comisiones Obreres.[1]
Finó'l 9 d'agostu de 2016 en Xixón, a los 90 años d'edá. Los sos restos mortales fueron incineraos.
Homenaxes
[editar | editar la fonte]- En marzu de 2016, el PCE de Llangréu homenaxó a Marrón pola so «vida de llucha», tantu na clandestinidá como nos cargos que depués ocupó.
- En 2009 foi-y concedida, al pie de Rosa María Fernández García, la Medaya al Méritu nel Trabayu na categoría de Plata pola so llucha pola clase obrera.[1][3] Nel actu, Marrón recordó «a quien llucharon contra el franquismu y a favor de la democracia, a les muyeres esplotaes, a los trabayadores y trabayadores que sufren la crisis, y "a los sindicalistes qu'en cualquier llugar del mundu arriesguen les sos vides pola llibertá"».
Referencies
[editar | editar la fonte]- ↑ 1,0 1,1 1,2 1,3 Asturias, Lada › Langreo ›. «Marrón Llaneza, Celestina» (castellanu). www.vivirasturias.com. Consultáu'l 2021-04-20.
- ↑ «Dos sindicalistas asturianas obtienen la Medalla de Oro al Mérito en el Trabajo» (castellanu). El Comercio (2009-04-24). Consultáu'l 2021-08-20.
- ↑ «La medalla al Mérito en el Trabajo galardona la lucha sindical en la clandestinidad» (castellanu). La Nueva España (2009-07-17). Consultáu'l 2021-08-20.