Theta Coronae Borealis

De Wikipedia
Saltar a navegación Saltar a la gueta
Theta Coronae Borealis
Theta Coronae Borealis A
Constelación Corona Borealis
Ascensión reuta α 15h 32min 55,80s
Declinación δ +31º 21’ 33,0’’
Distancia 311 años-lluz
Magnitú visual +4,14
Magnitú absoluta -0,76
Lluminosidá 380 soles (bolométrica)
Temperatura 14.000 K (aprox)
Radiu 3,3 soles
Tipu espectral B6 Vnn
Velocidá radial -25 km/s

Theta Coronae Borealis (θ CrB / 4 Coronae Borealis / HD 138749) ye una estrella na constelación de Corona Boreal. Ye la cuarta estrella más brillosa de dicha constelación, dempués de Alphecca (α Coronae Borealis), Nusakan (β Coronae Borealis) y γ Coronae Borealis. La so magnitú aparente ye +4,14 y alcuéntrase a 311 años lluz del Sistema Solar.

Theta Coronae Borealis ye una estrella binaria que les sos dos componentes tán dixebraes apenes 1 segundu d'arcu. La estrella principal, Theta Coronae Borealis A, ye una estrella blancu-azulada de la secuencia principal de tipu espectral B6. La so temperatura envalorada ye de 14.000 K y la so lluminosidá ye 380 vegaes mayor que la del Sol. La carauterística más notable de Theta Coronae Borealis A ye'l so enorme velocidá de rotación, de siquier 393 km/s. Emplega tan solo 10 hores en completar una vuelta, a diferencia del Sol qu'emplega 25 díes en faelo. Les estrelles que xiren tan apriesa producen un discu de gas al so alredor que xenera radiación, siendo llamaes estrelles Be; munches d'elles son amás variables eruptives tipo Gamma Cassiopeiae. Theta Coronae Borealis A amosó un amenorgamientu nel so rellumu d'un 50% en 1970, pa dempués amosar una serie de fluctuaciones na so lluminosidá. Anguaño traviesa una fase d'estabilidá.

La componente secundaria del sistema, Theta Coronae Borealis B, apenes ta estudiada. La so magnitú aparente ye +6,6. En función de la so magnitú absoluta ye probable que sía una estrella de tipu A2.

Referencies[editar | editar la fonte]