Teretistris fornsi

De Wikipedia
Saltar a: navegación, buscar
Teretistris fornsi
Les especies d'aves con nome común en llingua asturiana márquense como COA. En casu contrariu, conséñase'l nome científicu o de la SEO.
Commons-emblem-notice.svg
 
Pechero
TeretistrisKeulemans.jpg
Estáu de caltenimientu
Preocupación menor (LC)
Esmolición menor (IUCN)
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Parulidae
Xéneru: Teretistris
Especie: T. fornsi
Gundlach, 1858
[editar datos en Wikidata]

Teretistris fornsi o pechero, ye una especie d'ave reinal de Cuba, al igual qu'el so xéneru, nel qu'esiste amás otra especie, Teretistris fernandinae. Pertenez a la familia Parulidae del orde Passeriformes.

Nomes[editar | editar la fonte]

En griegu Teretistris significa “finu o delicáu” y fornsi en llatín dedicáu a Forns”. Nel oriente de Cuba esta especie ye llamada pechero pol so pechu mariellu. Nel idioma taino, este y otros parulidae yeren llamaos bijiritas, que xunto con chinchillita son los nomes comunes del grupu en Cuba. .


Distribución[editar | editar la fonte]

Teretistris fornsi ye una chinchillita común na parte centro-oriental de Cuba d'onde ye reinal, pero ta espandiéndose escontra l'occidente del país, llegando hasta Matances pola mariña norte. Vive en montes y carbes a cualquier elevación. Nunca cohabita cola especie hermana Teretistris fernandinae.

Descripción[editar | editar la fonte]

El pechero mide cerca de 13 cm de llargu. Dambos sexos son d'igual apariencia. El vértiz de la cabeza, la nuca, el llombu, la rabadilla, les nales y la cola son grises. La cara, los llaos del pescuezu y les partes inferiores son mariellos, sacante la parte baxa del abdome y añal que son blancu abuxaes. Suel axuntase en bandos chillones, en vuelu curtiu. Nun son espantinos. Rexistren la vexetación a baxu altor y el suelu en busca d'insectos, arañes y lagartijitas.

Nial[editar | editar la fonte]

Añera de marzu a xunetu sobre cañes fines horizontales o sobre epifitas. Faen el nial en forma de copa, con raigaños finos, yerbes y fibres. Ponen dos o tres güevos que miden 2 cm de llongura por 1,4 cm d'anchu, son blancuciu azulaos y nel estremu más anchu tienen llurdios pequeños de color castañu acoloratáu y moraes.

Ver tamién[editar | editar la fonte]

Referencies[editar | editar la fonte]

  • García, F. (1987). Les Aves de Cuba. Especies reinales. Subespecies reinales. Tomos I ya II. Editorial Xente Nuevo, L'Habana. 207 pp.
  • Garrido, O.H.; Kirkconnell, A. (2000). Birds of Cuba. Helm Field Guides, Londres. 253 pp.