TZ Cassiopeiae

De Wikipedia
Saltar a navegación Saltar a la gueta
TZ Cassiopeiae
TZ Cassiopeiae
Constelación Cassiopeia
Ascensión reuta α 23h 52min 56,24s
Declinación δ +61º 00’ 08,4’’
Distancia 7750 años-lluz (aprox)
Magnitú visual +9,04 (media)
Magnitú absoluta -7,35
Lluminosidá 68.000 soles (bolométrica)
Temperatura 3670 K
Masa 15 soles
Radiu 645 soles
Tipu espectral M3I
Velocidá radial -54,28 km/s

TZ Cassiopeiae (TZ Cas / HIP 117763 / SAO 20912)[1] ye una estrella variable na constelación de Cassiopeia de magnitú aparente media +9,04. Bien alloñada del Sistema Solar, envalórase que ta a una distancia de 2378 pársecs (7750 años lluz), pero l'erru na midida ye de ± 658 pársecs.[2]

TZ Cassiopeiae ye una superxigante colorada de tipu espectral M3I con una temperatura efectivo de 3670 K.[3] Ye una estrella de gran tamañu, con un radiu 645 vegaes más grande qu'el radiu solar,[3] equivalente a 3 UA. Si tuviera nel llugar del Sol, les órbites de los primeros cuatro planetes —la Tierra inclusive— quedaríen englobaes dientro de la estrella. Con una masa d'aprosimao 15 mases solares, envalórase que la so perda de masa estelar —como polvu, una y bones el gas atómico y molecular nun pudo ser evaluáu— ye de 3,8 × 10-9 mases solares per añu.[3] Dada la so elevada masa, TZ Cassiopeiae va acabar la so vida españando como una espectacular supernova.

TZ Cassiopeiae ta catalogada como una variable irregular de tipu LC[4] y de fechu ye prototipu d'esta subclase. El so rellumu varia ente magnitú +8,86 y +10,50 detectándose un posible periodu de 3100 díes.[5]

Ver tamién[editar | editar la fonte]

Referencies[editar | editar la fonte]