Strother Martin

De Wikipedia
Saltar a navegación Saltar a la gueta
Strother Martin
Strother Martin
Gordon Jones-Strother Martin in McLintock!.jpg
Vida
Nacimientu Kokomo Traducir26  de marzu de 1919
Nacionalidá Bandera de Estaos Xuníos d'América Estaos Xuníos
Fallecimientu

Thousand Oaks Traducir1  d'agostu de 1980

(61 años)
Sepultura Forest Lawn Memorial Park
Causa de la muerte infartu de miocardiu
Estudios
Estudios Universidá de Michigan
Oficiu
Oficiu actor de xéneru, actor de cine y actor de televisión
Xéneru artísticu wéstern Traducir
Serviciu militar
Cuerpu militar Armada de los Estaos Xuníos
Lluchó en Segunda Guerra Mundial
IMDb nm0001510
Cambiar los datos en Wikidata

Strother Martin (Kokomo, Indiana, EE. XX., 26 de marzu de 1919Thousand Oaks, California, EE. XX., 1 d'agostu de 1980) foi un actor estauxunidense.

Biografía[editar | editar la fonte]

Nel so años de mocedá, Martin llogró'l títulu de campeón nacional en categoría júnior en clavaos y mientres la Segunda Guerra Mundial realizó'l so serviciu militar como instructor de natación na Armada. Siguió dicha actividá en Hollywood a finales de los años 1940, y amás tuvo cerca de formar parte del equipu olímpicu estauxunidense de clavaos que participaría nos Xuegos Olímpicos de Londres 1948.[1]

En Hollywood recibió unu qu'otru papel como extra en películes, nes que representaba a deportistes por cuenta de la so complexón delgada. En 1950 llogró'l so primer rol d'importancia en La xungla d'asfaltu (1950).

Col pasu de los años resaltó como villanu en películes Western nes que sacaba provechu de la so voz chillona y siniestra.[2]La filmografía inclúi: The Black Whip (1956), Black Patch (1957), Horse Soldiers (1959), The Man Who Shot Liberty Valance (1962), McLintock! (1963); y munches participaciones en series de televisión como: Broken Arrow, Texan, Rawhide, Legend of Jesse James, The Big Valley, o Dakotas.[3]

Foi nel filme La lleenda del indomable de 1967 nel que descolló como actor de sonadía cuando interpretó al alcaide d'una prisión. Nesa producción espresó una de les frases más famoses na historia del cine: «What we've got here is (a) failure to communicate» (Lo que tenemos equí ye una falla de comunicación). Pa 1969 apaeció en trés memorables películes Western: True Grit, The Wild Bunch, y Butch Cassidy and the Sundance Kid; y en 1974 recibió una nominación pal Globu d'Oru como meyor actor de repartu na serie de televisión Hawkins.[4]Tamién apaeció na serie El Fuxitivu con David Janssen en 1964, nel capítulu Devil's Carnival nel papel de Shikky Saulter.

Con una estatura mediana, definía la so manera de caminar como «una pésima imitación de Bob Hope»; y cuntaba que la so voz yera «similar a la de Shirley Temple, pero con resfriáu».[3] Martin foi reconocíu pol so inxeniu pa interpretar a personaxes fracasaos, quejumbrosos, pícaros o venaos, pero que teníen la estraña cualidá de cautivar al públicu. Gustaba de coleccionar antigüedaes y escuchar música clásica. La so última actuación foi na serie de televisión Hotwire en 1980, añu nel que finó d'un infartu al corazón.

Globu d'Oru[editar | editar la fonte]

Añu Categoría Película Resultancia
1974 Meyor actor de repartu (TV) Hawkins Candidatu

Referencies[editar | editar la fonte]

  1. TV Rage: Strother Martin
  2. Rotten Tomatoes: Strother Martin
  3. 3,0 3,1 Westerns Clippings: STROTHER MARTIN
  4. IMDb: Awards for Strother Martin

Enllaces esternos[editar | editar la fonte]