Sténio Vincent

De Wikipedia
Saltar a navegación Saltar a la gueta
Sténio Vincent
Stenio Vincent portrait.jpg
Member of the Chamber of Deputies of Haiti Traducir


Coat of arms of Haiti.svg
presidente d'Haití

18 payares 1930 - 15 mayu 1941
Louis Eugène Roy - Elie Lescot
Vida
Nacimientu Puertu Príncipe22  de febreru de 1874
Nacionalidá Bandera d'Haití Haití
Fallecimientu Pétion-Ville Traducir, 3 de setiembre de 1959
Estudios
Llingües francés
Oficiu
Oficiu políticu y escritor
Nominaciones
Cambiar los datos en Wikidata

Sténio Joseph Vincent (Puertu Príncipe, 22 de febreru de 1874 – Puertu Príncipe, 3 de setiembre de 1959) foi un abogáu y políticu haitianu, qu'exerció como Presidente de dichu país ente'l 18 de payares de 1930 y el 15 de mayu de 1941.[1]

Biografía[editar | editar la fonte]

Sténio Vincent nació en Puertu Príncipe. Yera mulatu, fíu de Benjamin Vincent y Iramène Brea.[2]

Presidencia[editar | editar la fonte]

Graduáu de la Escuela de Lleis a la edá de 18 años, foi escoyíu en 1915 xefe de la Cámara de Diputaos d'Haití. Foi Ministru del Interior y Obres Públiques ente 1916 y 1917 y, darréu, alcalde de Puertu Príncipe, la capital del país.

N'ochobre de 1930, los haitianos escoyeron per primer vegada una asamblea nacional dende 1918, que nomó a Sténio Vincent como Presidente d'Haití.[3] Políticamente, Vincent basara la so campaña nuna retórica nacionalista, n'oposición a la ocupación estauxunidense del país, esistente dende 1915.

N'agostu de 1934, el presidente de los Estaos Xuníos, Franklin D. Roosevelt, retiró los marines. Aun así, los Estaos Xuníos caltuvieron sobre Haití un control fiscal direutu hasta 1941 ya indirectu hasta 1947. En 1935, un plebiscitu estendió'l so periodu presidencial hasta 1941 y enmendó la constitución de cuenta que los futuros presidentes fueren escoyíos por votu popular.[4]

N'ochobre de 1937, tropes y policía de la República Dominicana masacraron miles d'obreros haitianos que vivíen cerca de la frontera, no que se conoció como Masacre del Perexil. Sténio Vincent esfrutaba d'una relación de cooperación y soporte financieru col gobiernu del dictador dominicanu Rafael Trujillo, polo que nun hubo gran repercusión al respeutu. Namái dempués de dos años de relativa tranquilidá en Puertu Príncipe, les protestes de dellos sectores de la población aprucieron en contra de la débil respuesta dada por Sténio Vincent a la masacre. El gobiernu de República Dominicana alcordó en 1938 indemnizar a los familiares de los trabayadores muertos, anque gran parte d'esi dineru nun llegó a los destinatarios productu de los altos niveles de corrupción.

En 1941, Vincent declaró la so intención d'arrenunciar, y la transición de la presidencia al so socesor, Élie Lescot, realizóse pacíficamente.

Referencies[editar | editar la fonte]

  1. Profil de Sténio Vincent
  2. «Africana: The Encyclopedia of the African and African American Experience». Consultáu'l 4 de marzu de 2014.
  3. HAITI: Five More Years for Stenio – TIME Magacín
  4. «Haiti», Encyclopædia Britannica, Online, Encyclopædia Britannica, 2008, http://www.britannica.com/EBchecked/topic/251961/Haiti, consultáu 'l 30 de xunetu de 2008 



Sténio Vincent