Sophia Brahe

De Wikipedia
Saltar a navegación Saltar a la gueta
21-01-2019 16:26
Sophia Brahe
Sophie Brahe portrait.jpg
Vida
Nacimientu Castillo de Knutstorp Traducir22  de setiembre de 1556
Nacionalidá Bandera de Dinamarca Dinamarca
Fallecimientu

Elsinor Traducir1643

(86/87 años)
Familia
Padre Otte Brahe
Madre Beate Clausdatter Bille
Fíos/es
Hermanos/es
Estudios
Estudios Autoaprendizaje Traducir
Llingües Danés
Oficiu
Oficiu astrónoma, historiadora, botánica y química
Cambiar los datos en Wikidata

Sophia Brahe (1556, Knudstrup - Dinamarca - Elsinor, 1643) foi una astrónoma y horticultora danesa. Foi hermana de Tycho Brahe, al qu'ayudó nes sos observaciones astronómiques.

Biografía[editar | editar la fonte]

Sophia Brahe nació nel senu d'una familia noble de Knudstrup (Dinamarca), siendo la fía menor del matrimoniu. El so hermanu Tycho, tuteló les sos enseñances, y llueu amosó'l so enclín pola química, la horticultura y, sobremanera, l'astronomía. Anque la familia amosó refugu escontra los estudios de la so fía pequeña, Tycho Brahe tomóla como asistente en 1573 al ver como Sophia formábase de mou autodidacta, bien fuere al traviés d'observaciones propies, bien al traviés de consultes en material de biblioteques.

Hasta'l so matrimoniu, Sophia trabayó col so hermanu nel observatoriu del Castiellu d'Urania (Uraniborg)[1] na islla de Hven y collaboró na redaición del catálogu au se detallaba la posición de los planetes y el fondu estelar, y que sirvió a Johannes Kepler[2] p'anunciar les sos lleis astronómiques.

Sophia Brahe contraxo matrimoniu en 1577 con Otto Thott, pero envilbó aína (1588) dexándola con un fíu. Heredó del so home una vasta superficie de finques n'Escania (Suecia) que convirtió en focu de los sos ingresos al dedicase de llenu a la horticultura. Tamién empezó a trabayar en química (entós alquimia) creando melecines espaxíriques que comercializaba ente la clase alta escandinava.

En 1890, volvió comprometese con un amigu y colega alquimista del so hermanu, Erik Lange. Sicasí, enantes de casase cayó na ruina, rompió'l compromisu y sumió hasta qu'en 1602 realcontráronse y casáronse. Nuevamente, Sophia envilbó en 1613. Nos últimos años de la so vida abrazó una nueva disciplina: la xenealoxía. Morrió n'Elsinor (Dinamarca) en 1643.

En dellos momentos d'el so primera envilbamientu, Sophia interesóse pola astroloxía, gustu qu'el so hermanu Tycho Brahe desaprobó.

Enllaces esternos[editar | editar la fonte]

Referencies[editar | editar la fonte]