Saltar al conteníu

Sophia Brahe

21-01-2019 16:26
De Wikipedia
Sophia Brahe
Vida
Nacimientu Castillo de Knutstorp (es) Traducir[1], 24 d'agostu de 1559[2]
Nacionalidá Bandera de Dinamarca Reinu de Dinamarca [3]
Llingua materna danés
Muerte Helsingør[1], 1643[4] (83/84 años)
Familia
Padre Otte Brahe
Madre Beate Clausdatter Bille
Casada con Otte Andersen Thott (en) Traducir (1579 – 1588)[1]
Erik Lange (1602 – 1613)[1]
Fíos/es
Hermanos/es
Estudios
Llingües falaes danés[6]
Oficiu astrónoma, historiadora, estate owner (en) Traducir, xenealoxista
Influyencies Tycho Brahe
Cambiar los datos en Wikidata

Sophia Brahe (24 d'agostu de 1559, Castillo de Knutstorp (es) Traducir – 1643, Helsingør) foi una astrónoma danesa. Foi hermana de Tycho Brahe, al qu'ayudó nes sos observaciones astronómiques.

Biografía

[editar | editar la fonte]

Sophia Brahe nació nel senu d'una familia noble de Knudstrup (Dinamarca), siendo la fía menor del matrimoniu. El so hermanu Tycho, tuteló les sos enseñances, y llueu amosó'l so enclín pola química, la horticultura y, sobremanera, l'astronomía. Anque la familia amosó refugu escontra los estudios de la so fía pequeña, Tycho Brahe tomóla como asistente en 1573 al ver como Sophia formábase de mou autodidacta, bien fuere al traviés d'observaciones propies, bien al traviés de consultes en material de biblioteques.

Hasta'l so matrimoniu, Sophia trabayó col so hermanu nel observatoriu del Castiellu d'Urania (Uraniborg)[7] na islla de Hven y collaboró na redaición del catálogu au se detallaba la posición de los planetes y el fondu estelar, y que sirvió a Johannes Kepler[8] p'anunciar les sos lleis astronómiques.

Sophia Brahe casóse en 1577 con Otto Thott, pero envilbó aína (1588) dexándola con un fíu. Heredó del so home una vasta superficie de finques n'Escania (Suecia) que convirtió en focu de los sos ingresos al dedicase de llenu a la horticultura. Tamién empezó a trabayar en química (entós alquimia) creando melecines espaxíriques que comercializaba ente la clase alta escandinava.

En 1890, volvió comprometese con un amigu y colega alquimista del so hermanu, Erik Lange. Sicasí, enantes de casase cayó na ruina, rompió'l compromisu y sumió hasta qu'en 1602 realcontráronse y casáronse. Nuevamente, Sophia envilbó en 1613. Nos últimos años de la so vida abrazó una nueva disciplina: la xenealoxía. Morrió n'Elsinor (Dinamarca) en 1643.

En dellos momentos del so primer envilbamientu, Sophia interesóse pola astroloxía, gustu que'l so hermanu Tycho Brahe desaprobó.

Referencies

[editar | editar la fonte]
  1. ↑ 1,0 1,1 1,2 1,3 1,4 1,5 1,6 1,7 Data de consulta: 1r ochobre 2020. Diccionario biográfico de mujeres suecas: SophieBrahe. Títulu: Sophie Ottesdatter Brahe Ca 1556 — 1643 Lärd kvinna, astronom.
  2. ↑ «Dansk kvindebiografisk leksikon» (danés) (2001).
  3. ↑ «The History of Nordic Women's Literature». KVINFO.
  4. ↑ Afirmao en: Enciclopedia Nacional Sueca. Identificador Nationalencyklopedin: sophie-brahe. Apaez como: Sophie Brahe. Data de consulta: 9 ochobre 2017. Llingua de la obra o nome: suecu.
  5. ↑ Afirmao en: The Biographical Dictionary of Women in Science. Tomu: 1. Páxina: 170. Editorial: Routledge. Llingua de la obra o nome: inglés. Data d'espublización: 16 avientu 2003. Autor: Marilyn Bailey Ogilvie.
  6. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
  7. ↑ https://mujeresconciencia.com/2015/08/24/sophia-brahe-astronoma-y-horticultora/
  8. ↑ http://www.crystalinks.com/brahe.html

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Sophia_Brahe&oldid=4224369»