Escania

Coordenaes: 55°48′N 13°37′E / 55.8°N 13.62°E / 55.8; 13.62
De Wikipedia
Escania
Bandera de Escania (es) Traducir coat of arms of Skåne (en) Traducir
y
Alministración
PaísBandera de Suecia Suecia
Provincies[[Provincia d'Escania|{{{2}}}
Tipu d'entidá provincia histórica de Suecia
Xeografía
Coordenaes 55°48′N 13°37′E / 55.8°N 13.62°E / 55.8; 13.62
Superficie 11027 km²
Llenda con Småland (es) Traducir, Halland (en) Traducir y Blekinge (es) Traducir
Demografía
Población 1 386 530 hab. (31 avientu 2020)
Densidá 125,74 hab/km²
Más información
Estaya horaria UTC+01:00 y UTC+02:00
skane.com
Cambiar los datos en Wikidata

Escania o Skåne en suecu, ye una rexón asitiada nel sur de Suecia, a la que pertenez políticamente. Antiguamente tuviera embaxo soberanía danesa. Yera una de les provincies hestóriques de Suecia, llindiega coles d'Halland, Småland y Blekinge. Anguaño forma parte del condáu d'Escania. La capital ye Malmö. Pela so riqueza en producción de cereales y la so situación estratéxica na entradera del Mar Bálticu tradicionalmente los suecos naguaben por ella, por embargu nun ye hasta'l tratáu de Roskilde de 1658 que Suecia algama la incorporación al so territoriu, ratificada poles paces de Copenḥague (1660) y Lund (1679). La universidá de Lund, fundada nel 1668, contribúi a espardir la cultura sueca n'Escania.

Les principales ciudaes son Malmö, Helsingborg y Lund.

N'Escania falen el dialeutu escaniu del suecu. Esti dialeutu ye delles vegaes consideráu una llingua dafechu (especialmenete polos nacionaliegos escanos), por embargu esta nun ye la opinión de la mayoria de los escanos que dicin que falen suecu y que son suecos. Esti dialeutu ye una variante del suecu con abondes influencies daneses. Tien munchos diptongos y una r uvular.

La bandera escana ye una variente de les banderes escandinaves, portando como toes elles la nomada Cruz Escandinava nesti casu con fondu bermeyu y cruz mariella. La bandera ye vista davezu n'Escaña, sicasí nun tien un estatus oficial.


Datos Curiosos[editar | editar la fonte]

Kurt Wallander, personax de fición creáu pol escritor de novela negra suecu Henning Mankell, ye'l protagonista de delles hestories que trescurren n'Escania. Vive y trabaya nel pueblu d'Ystad, 60 km al sureste de la ciudá de Malmö.

Referencies[editar | editar la fonte]

Enllaces esternos[editar | editar la fonte]