Salvador Jovellanos

Salvador Jovellanos
Presidente de Paraguái
Vida
Nacimientu	Asunción, 31 d'avientu de 1833
Nacionalidá	Paraguái
Muerte	Buenos Aires, 11 de febreru de 1881 (47 años)
Oficiu	políticu, abogáu

Salvador Montés del Rosario Xovellanos Guanes (Asunción, Paraguái, 31 d'avientu de 1833 – Buenos Aires, Arxentina, 11 de febreru de 1881) foi'l 5º Presidente del Paraguái, que gobernó dende'l 18 d'avientu de 1871 al 25 de payares de 1874.

La so vida

Salvador Xovellanos Guanes nació na ciudá d'Asunción el 31 d'avientu de 1833. Yera entá bien nuevu cuando salió del país, en tiempu de don Carlos Antonio López aproximao, p'asitiase en Buenos Aires, onde formó la so propia familia.

Participación política

Figura como unu de los miembros de l'Asociación Paraguaya, cuando ésta surde'l 28 d'avientu de 1858. Robla l'acta de l'asamblea del 1 de marzu de 1865 y el 24 d'abril del mesmu añu aprueba'l documentu nel que se solicitaba al gobiernu arxentín l'autorización pa llevar a la realidá la proyeutada Lexón Paraguaya. Ingresó a dicha Asociación xunto a Otoniel Peña, siendo aceptáu como sociu na xunta de la comisión directiva realizada'l 18 de xineru de 1865.

El regresu

A mediaos de xineru de 1869, cuando se tien noticies de que Asunción foi invadida poles fuercies aliaes, Xovellanos vuelve al Paraguái, a la edá de trenta y seis años, xunto a Juan B. Gill, José Decoud, Juan Antonio Jara, Carlos Loizaga, Benigno Ferreira, Cayo Miltos y otros ciudadanos que se consideraben “expatriados”.

El 25 de xineru de 1869, yá na capital, robló'l pidimientu, dirixida a les fuercies aliaes, que garantizó la creación d'un gobiernu provisional con ciudadanos paraguayos. El 25 de marzu de 1870 tuvo na nómina de directivos del Gran Club del Pueblu, rexíu pol Dr. Facundo Machaín. Nes eleiciones pa diputáu constituyente, que se realizaron el 3 de xunetu d'esi añu, foi electu pol distritu Catedral con un total de 302 votos.

Formó parte de la comisión de negocios constitucionales encargada de redactar la Constitución y tuvo tamién n'otra que tuvo conseñada pa formular una llei d'elección, y n'otra pa tratar sobre les atribuciones de la comisión permanente. Finó en Buenos Aires el 11 de febreru de 1881.

El so gobiernu

Depués de la muerte del vicepresidente Cayo Miltos, el 7 de xineru de 1871, el Senáu nomar como tal y, arriendes del arrenunciu del presidente Rivarola, asumió la Presidencia de la República ente'l 18 d'avientu de 1871 y el 25 de payares de 1874, y con ella herieda la caótica situación creada pola cayida de Rivarola.

Enantes acompañó en delles situaciones a don Cirilo Antonio, ocupó'l cargu de ministru de Guerra y Marina, el 25 de payares, ministru del Interior el 12 d'abril de 1871 y el 15 del mesmu mes y añu participa de la disolución de les Cámares y de la convocatoria d'un nuevu Congresu. Pero más tarde tuvo que dexar la presidencia en manes del vicepresidente Juan Bautista Gill y llanzóse a años de voluntariu exiliu na ciudá de Buenos Aires.

Mientres el so gobiernu roblóse'l Tratáu de Paz y Llendes Loizaga – Cotegipe, col Brasil y col Uruguái amás d'otros d'estradición, amistá, comerciu y navegación (perdiéndose l'estensu territoriu ente los ríos Apa y Blanco, amás del este del Amambay).

Col Uruguái roblóse'l tratáu de paz. Un nuevu emprestu de 2.000.000 de llibres foi contratáu en Londres, con igual o peor consecuencia que l'anterior, de 1871, pos nun llegó al Paraguái sinón 124.000 llibres, que tampoco ingresaron a les arques fiscales, sinón que fueron dilapidadas poles autoridaes. Esta delda recién foi saldada en 1961.

Foi construyida la primer llinia de tranvíes, que cruciaba les principales cais de la capital del país. Ésti salía del puertu y xubía pela cai Colón hasta la calle Palma ya Independencia Nacional y doblaba na cai Libertad, anguaño denominada Eligio Ayala, y asina llegaba hasta'l so puntu terminal que yera la estación de ferrocarril.

Principales obres

Xovellanos buscó pacientemente reorganizar l'alministración pública. Realizóse la pavimentación de delles cais d'Asunción; creóse'l Conseyu d'Instrucción Pública y de la Oficina d'Inmigración y de les Xuntes Económicu- Alministratives nel interior y establecióse, amás, el reglamentu de la Policía y la fixación de les primeres rentes xenerales.

Unu de los problemes que tuvo qu'enfrentar Xovellanos mientres el so gobiernu foi'l de les rellaciones esteriores que conteníen otros procedentes d'indefiniciones calteníes dende la muerte de don Carlos Antonio López y que siguieron tando pendientes na posguerra del 70. Unu de los primeros tropiezos col que tuvo que trate esti gobiernu foi'l de la ocupación de les tropes arxentines de la Villa Occidental el 29 de xineru de 1872.

Trayeutoria política

Participó de la Convención Nacional Constituyente de 1870. Desempeñó los cargos de Ministru de Guerra y Marina y Ministru del Interior. Foi unu de los fundadores de l'Asociación Nacional Republicana (Partíu Coloráu).

Enllaces esternos

• Wikimedia Commons acueye conteníu multimedia sobre Salvador Jovellanos.

• Datos: Q26551
• Multimedia: Salvador Jovellanos