Asunción

De Uiquipedia
Saltar a: navegación, buscar

La ciudá de Nuesa Señora Santa María de l'Asunción ye la capital y la ciudá más poblada del Paraguay. Ye un conceyu autónomu. La ciudá ta allugada xunto a la Bahía d'Asunción, ‎na oriella izquierda del Ríu Paraguay frente a la so confluyencia col Ríu Pilcomayo. En 2006, según la Direición Xeneral d'Estadístiques, Encuestes y Censos, tenía una ‎población aproximada de 515.662 habitantes. Iso la fai l'aglomeración más grande y ‎superpoblada del Paraguay. La so área metropolitana (Gran Asunción), inclúi les ‎ciudaes de San Lorenzo, Lambaré, Fernando de la Mora, Capiatá, Luque, Mariano ‎Roque Alonso, Ñemby, Villa Elisa y San Antonio, lo qu'incrementa la so población ‎n'aproximadamente 1.983.000 habitantes. La so superficie ye de 118 km².‎‎

Ye l'allugamientu de los tres poderes del Estáu (Executivu, Llexislativu y Xudicial), el principal puertu fluvial (Direición Xeneral d'Aduanes) y el centru cultural del país. Magar dalgunes variantes nel transcursu'l tiempu, dende la so fundación y fasta anguaño, Asunción ye'l centru de l'actividá nacional. Dende la capital desendólquense les principales resoluciones y proyeutos de los Poderes del Estáu, y centralícense la banca, les entidaes económiques, culturales, diplomátiques, sociales, gremiales ya industriales del país.