Ricardo Mella

De Uiquipedia
Saltar a: navegación, buscar

Ricardo Mella (Vigo, 1861 - Vigo, 7 d'agostu de 1925) foi un periodista y anarquista español.

Estudió bachilleratu en Vigo y yá anantes apaez vinculáu al Partido Republicano Federal nel que tamién militaba so padre. Bien ceo entamó a collaborar cola prensa federalista pa pasar más sero al anarquismu.

En 1900 participó en París nel clandestín Congresu Sindical Internacional. Igualmente participó en Reus nun certamen socialista nel que presentó el trabayu El problema de la emigración en Galicia.

Ricardo Mella morrió'l 7 d'agostu de 1925 en Vigo y nel so entierru, nel cementeriu civil de la ciudá, aconceyáronse miles de persones.

Ricardo Mella n'Asturies[editar | editar la fonte]

La so profesión de topógrafu llevólu a trabayar en dellos sitios de la xeografía española, ente ello Asturies. En 1903 pronunciaría una conferencia nel Institutu Xovellanos de Xixón, onde conocería a Eleuterio Quintanilla col que acabaría manteniendo una gran y provechosa amistá, col que fundaría en 1910 el periódicu Acción Libertaria.

En 1911 acudió en representación d'Asturies al I Congresu de la CNT, en compañía de Pedro Sierra, representando a 1500 obreros de Xixón y La Felguera.

A la so muerte un ensamu d'amigos de Mella entamó la xera de publicar les sos obres completes. Ocuparíen seis volúmenes y el primeru, Ideario, foi asoleyáu en Xixón, con un prólogu de José Prat y un estudio biográficu de Pedro Sierra. Tamién el segundu volumen vio la lluz en Xixón, en 1934, con prólogu d'Eleuterio Quintanilla.

Enlaces externos[editar | editar la fonte]

Web de los herederos de Ricardo Mella